Foto: DSW-nıñ ştab-päteri

Älemniñ alıp elderiniñ arasındağı sauda kelispeuşiliginiñ, yağni sauda soğısınıñ Düniejüzilik saudağa tikeley äser etui DSW-nıñ jalpı qwrılısınıñ özgertiluine deyin äser etip otır. Europa odağı AQŞ pen Qıtay tauarlarına salınğan salıqtıñ artuına baylanıstı Düniejüzilik Sauda Wyımın reformalauğa nietti. Bwl turalı Odaqtıñ resmi mälimdemesine silteme jasap «24heures.ch» habarlaydı.

Euroodaq ökilderiniñ habarlauınşa, 2018 jıldıñ qırküyeginde Bryussel'de EO, AQŞ jäne Japoniyanıñ sauda ministrleriniñ qatısuımen kelissözder jürgizilmek. Osı kezdesuden keyin Euroodaq atalğan wyımnıñ reformasına qatıstı josparların wsınbaq. Sarapşılardıñ mälimetinşe, onda sauda şığındarın qısqartu jäne DSW-dağı dau-tartıstardı retteu jüyesin qalay jasau kerektigi, sonımen qatar, wyımnıñ jwmısın jaqsartu nazarğa alınbaq. Negizi, ötken ayda da wyım basşısı Roberto Azevedo wyımdağı jağdayğa baylanıstı kelissözder ötkizilui turalı habarlap: «Jağday öte qiın. Älemdik köptegen liderler Düniejüzilik Sauda Wyımı ayasında kelissözder ötkizip, bir şeşim tabu kerektigin äldeqaşan tüsindi», - degen.

Europa komissiyası ötken ayda, yağni, 5 şildede wyımnıñ sauda sayasatı jönindegi komitetine qol qoyılğan qwjat joldağan edi. Ol qwjat DSW-nıñ jwmıs erejeleri men qwrılımdarın jaqsartu boyınşa wsınıstardı qamtığan.

“The Qazaq Times”