Foto: EPA

Auğanstannıñ sırtqı ister ministrliginiñ baspasöz hatşısı Auğan ükimetiniñ Taliban qozğalısınıñ ökilderimen Mäskeude ötetin beybit kelissözderge delegaciya jibermeytinin mälimdegen. Auğanstan SİM özderiniñ bwl şeşimderin beybit kelissözdiñ bastamaşısı retinde Kreml' emes, Auğan ükimeti şığuı tiis dep sanaytındığımen tüsindirgen. Bwl turalı «abhaber.com» habarlaydı.

Bwdan bwrın Resey Federaciyasınıñ Sırtqı ister ministrligi beybit kelissöz ötkizu turalı wsınıs jasap, Taliban qozğalısınıñ ökilderin de şaqırğan edi. Eske salayıq, 20 tamız küni Auğanstan prezidenti Aşraf Ğani Taliban qozğalısımen aradağı qaqtığıstı toqtatu turalı habarlağan. Bwnday wsınıs Gazni qalasındağı qandı qaqtığıstan keyin köterilgen bolatın. Auğanstannıñ ükimettik küşteri eldiñ şığısındağı qalanıñ auqımdı böligin öz baqılauına alğanın habarlağan edi. Degenmen, qaşannan-aq, tälibtermen mämilege keluge müddelilik tanıtıp kele jatqan biliktiñ, atalğan kelissözderdiñ Kreml'de ötetinine bola, mwnday mümkindikten bas tartıp otırğanı tañqaldıradı.

“The Qazaq Times”