Oquşılar men studentter bastağan demonstraciya. Foto: ERA/BBC,

Bangladeşte eki mektep oquşısınıñ öliminen keyin bastalğan ükimetke narazılıq şarası bir aptağa sozıldı. Mektep oquşıları men studentter wyımdastırğan akciyanı qoldauşılar tez arada köbeyip, narazı top tipti policiyamen de qaqtığısuğa deyin barğan. Bwl turalı älemniñ ıqpaldı aqparat agenttikteri habar tarattı.

29 şilde küni Dakka qalasında eki oquşı joğarı jıldamdıqta jüytkip kele jatqan jolauşılar avtobusı soğıp mert bolğan bolatın.  Tergeu kezinde avtobus jürgizuşisi özge avtobustarmen jolğa talasıp kele jatqanın aytqan. Narazı jwrtşılıq ükimetten jol qauipsizdigin qamtamasız etudi talap etude. Bıltır Bangladeşte 4 mıñnan astam adam jol apatınan qaza bolğan.

On mıñdağan oquşılar men studentter toptasıp köşege şığıp, Dakkadağı barlıq joldardı jauıp tastauğa deyin bardı. Olar jük kölikterin, qoğamdıq kölikterdi de toqtatıp, olardıñ qwjattarın da teksergen. Bwl turalı BBC tilşilerine jauap bergen 17 jastağı narazılıq şarasınıñ belsendisi: «Biz bwnımen tek jemqorlıqtı toqtatqımız keledi. Jürgizu kuäligin satıp aluşılardı boldırmauğa tırısamız», – degen.

Bangladeş elinde demonstraciya köp tirkelgen emes. Biraq, bwl jolı on mıñdağan şeruşiler köşelerdi jauıp, 18 mln halqı bar Dakkanıñ barlıq qoğamdıq kölikterin jürgizbey tastadı. Policiya tarabı jasauratqış gaz arqılı oquşılar men studentterdi taratıp jiberuge tırıstı. Bwl policiya men narazı top arasındağı qaqtığısqa alıp kelgen.

“The Qazaq Times”