وقۋشىلار مەن ستۋدەنتتەر باستاعان دەمونستراتسيا. فوتو: ERA/BBC,

بانگلادەشتە ەكى مەكتەپ وقۋشىسىنىڭ ولىمىنەن كەيىن باستالعان ۇكىمەتكە نارازىلىق شاراسى ءبىر اپتاعا سوزىلدى. مەكتەپ وقۋشىلارى مەن ستۋدەنتتەر ۇيىمداستىرعان اكتسيانى قولداۋشىلار تەز ارادا كوبەيىپ، نارازى توپ ءتىپتى پوليتسيامەن دە قاقتىعىسۋعا دەيىن بارعان. بۇل تۋرالى الەمنىڭ ىقپالدى اقپارات اگەنتتىكتەرى حابار تاراتتى.

29 شىلدە كۇنى داككا قالاسىندا ەكى وقۋشى جوعارى جىلدامدىقتا جۇيتكىپ كەلە جاتقان جولاۋشىلار اۆتوبۋسى سوعىپ مەرت بولعان بولاتىن.  تەرگەۋ كەزىندە اۆتوبۋس جۇرگىزۋشىسى وزگە اۆتوبۋستارمەن جولعا تالاسىپ كەلە جاتقانىن ايتقان. نارازى جۇرتشىلىق ۇكىمەتتەن جول قاۋىپسىزدىگىن قامتاماسىز ەتۋدى تالاپ ەتۋدە. بىلتىر بانگلادەشتە 4 مىڭنان استام ادام جول اپاتىنان قازا بولعان.

ون مىڭداعان وقۋشىلار مەن ستۋدەنتتەر توپتاسىپ كوشەگە شىعىپ، داككاداعى بارلىق جولداردى جاۋىپ تاستاۋعا دەيىن باردى. ولار جۇك كولىكتەرىن، قوعامدىق كولىكتەردى دە توقتاتىپ، ولاردىڭ قۇجاتتارىن دا تەكسەرگەن. بۇل تۋرالى BBC تىلشىلەرىنە جاۋاپ بەرگەن 17 جاستاعى نارازىلىق شاراسىنىڭ بەلسەندىسى: «ءبىز بۇنىمەن تەك جەمقورلىقتى توقتاتقىمىز كەلەدى. جۇرگىزۋ كۋالىگىن ساتىپ الۋشىلاردى بولدىرماۋعا تىرىسامىز»، – دەگەن.

بانگلادەش ەلىندە دەمونستراتسيا كوپ تىركەلگەن ەمەس. بىراق، بۇل جولى ون مىڭداعان شەرۋشىلەر كوشەلەردى جاۋىپ، 18 ملن حالقى بار داككانىڭ بارلىق قوعامدىق كولىكتەرىن جۇرگىزبەي تاستادى. پوليتسيا تارابى جاساۋراتقىش گاز ارقىلى وقۋشىلار مەن ستۋدەنتتەردى تاراتىپ جىبەرۋگە تىرىستى. بۇل پوليتسيا مەن نارازى توپ اراسىنداعى قاقتىعىسقا الىپ كەلگەن.

“The Qazaq Times”