Foto: trend.az

Saud-Arabiyası Kanadağa salatın barlıq investiciyasın toqtatıp, kanadalıq elşini «persona non-grata» dep jariyaladı. Saud-Arabiyasınıñ mwnday qadamğa baruına äyelderdiñ avtokölik jürgizuine baylanıstı bilikke qarsı şığuşı belsendileriniñ twtqındaluına qatıstı Ottavanıñ qatal sın aytuı sebep bolğan. Bwl turalı saudiyalıq «Saudi Press Agency» aqparattıq agenttigi habarladı.

Eske salayıq, osı jıldıñ mausım ayında Saud-Arabiyası saudiyalıq äyelderdiñ avtokölik jürgizulerine salınğan tıyımdı alıp tastağan edi. Saudiya biligi osı şeşiminen az uaqıt bwrın atalğan qwqıqqa qarsı şığuşı birneşe belsendini qamauğa alğan bolatın. Endi, ötken aptanıñ jwmasında Kanadanıñ SİM Saud-Arabiyasın qwqıq qorğauşılardı «tez arada bosatuğa» şaqırıp, ministrlik basşısı Hristya Friland osı oqiğağa qattı alañdaytının bildirgen edi.  Osığan jauap retinde Saud-Arabiyasınıñ Sırtqı ister ministrligi Kanada eldiñ işki isterine aralasuda dep, qatañ jauap jasağan edi. «Bwl —  korol'diktiñ  zañdarın ayaq astı etu, bwğan köz jwmıp qarau mümkin emes. Sonımen qatar, bwl — korol'diktiñ egemendigin bwzu bolıp sanaladı. Öziniñ wzaq jılğı tarihı boyınşa Saud-Arabiyası eşqaşan özderiniñ işki isterine böten eldiñ aralasuına nemese qanday da bir memlekettiñ bwyrıq etuine jol bermegen. Kanadanıñ bwdan  keyin bizge işki isimizge bağıttalğan  kez kelgen qadamı bizdiñ de Kanadanıñ işiki isterine aralasuğa  bolatının bildiredi » , - dep mälimdegen Saud-Arabiya SİM.  Osılay mälimdeme jasağan Saud-Arabiyasınıñ Sırtqı ister ministrligi Kanadamen aradağı barlıq saudalıq jäne investiciyalıq operaciyalardı bwğattağanı turalı habarlağan. Sonımen qatar, Saud-Arabiyası öziniñ Kanadadağı elşisin keri qaytarıp, Kanadanıñ Saud-Arabiyasındağı elşisin «persona non-grata» retinde jariyalağan. Endi, kanadalıq diplomat Saud-Arabiyasınan 24 sağat işinde dereu ketui tiis.

“The Qazaq Times”