Foto: stratejikortak.com

Izrail' prem'er-ministri Bin'yamin Netan'yahu eger Iran Qızıl teñizden Ündi mwhitına şığatın Bab-äl-Mandeb bwğazın jauıp tastaytın bolsa, Iranğa qarsı soğıs aşuğa dayın ekenin eskertti. "Eger Iran Bab-äl-Mandeb bwğazın jauıp tastaytın bolsa, bwnıñ aldın alu üşin jasaqtalğan halıqaralıq odaq qarsılığına wşıraytının bilsin. Al, bwl odaq izrail'dik qarulı küşterdiñ barlıq türinen qwralğan ", - degen B.Netan'yahudıñ sözin de jazğan "20minutes.fr" agenttigi.

Eske salayıq, Bab-äl-Mandeb bwğazı arqılı jetkiziletin mwnay tasımalı bwdan bwrın da Yemendegi soğısqa bola Saud-Arabiyası toqtatqan edi. Bwdan bwrın, Qızıl teñiz ben onıñ bwğazdarına tikeley şığatın mümkindigi joq Irannıñ qoldauına ie yemendik köterilisşi-hüsitter bwğaz arqılı ötip bara jatqan saudiyalıq eki tankerge şabuıl jasağan edi. Şabuıl saldarınan kemelerdiñ biri zaqımdanğan bolatın. Dereu osı oqiğadan keyin Saud-Arabiya biligi bwğaz arqılı jetkiziletin mwnay tasımalın toqtatatının mälimdegen edi. Endi, öz mwnayın eksporttauda kedergige wşırasa Iran Parsı şığanağı men Araviya teñizin biriktiretin Ormuz bwğazın jauıp tastaytının eskertude.

“The Qazaq Times”