يزرايل يرانعا قارسى سوعىسقا دايىن ەكەنىن مالىمدەدى

يزرايل پرەمەر-ءمينيسترى بينيامين نەتانياحۋ ەگەر يران قىزىل تەڭىزدەن ءۇندى مۇحيتىنا شىعاتىن باب-ءال-ماندەب بۇعازىن جاۋىپ تاستايتىن بولسا، يرانعا قارسى سوعىس اشۋعا دايىن ەكەنىن ەسكەرتتى. "ەگەر يران باب-ءال-ماندەب بۇعازىن جاۋىپ تاستايتىن بولسا، بۇنىڭ الدىن الۋ ءۇشىن جاساقتالعان حالىقارالىق وداق قارسىلىعىنا ۇشىرايتىنىن ءبىلسىن. ال، بۇل وداق يزرايلدىك قارۋلى كۇشتەردىڭ بارلىق تۇرىنەن قۇرالعان ", - دەگەن ب.نەتانياحۋدىڭ ءسوزىن دە جازعان "20minutes.fr" اگەنتتىگى.

ەسكە سالايىق، باب-ءال-ماندەب بۇعازى ارقىلى جەتكىزىلەتىن مۇناي تاسىمالى بۇدان بۇرىن دا يەمەندەگى سوعىسقا بولا ساۋد-ارابياسى توقتاتقان ەدى. بۇدان بۇرىن، قىزىل تەڭىز بەن ونىڭ بۇعازدارىنا تىكەلەي شىعاتىن مۇمكىندىگى جوق يراننىڭ قولداۋىنا يە يەمەندىك كوتەرىلىسشى-حۇسيتتەر بۇعاز ارقىلى ءوتىپ بارا جاتقان ساۋديالىق ەكى تانكەرگە شابۋىل جاساعان ەدى. شابۋىل سالدارىنان كەمەلەردىڭ ءبىرى زاقىمدانعان بولاتىن. دەرەۋ وسى وقيعادان كەيىن ساۋد-ارابيا بيلىگى بۇعاز ارقىلى جەتكىزىلەتىن مۇناي تاسىمالىن توقتاتاتىنىن مالىمدەگەن ەدى. ەندى، ءوز مۇنايىن ەكسپورتتاۋدا كەدەرگىگە ۇشىراسا يران پارسى شىعاناعى مەن اراۆيا تەڭىزىن بىرىكتىرەتىن ورمۋز بۇعازىن جاۋىپ تاستايتىنىن ەسكەرتۋدە.

“The Qazaq Times”