Foto: trt.net.

Yemendegi housitter Er-Riyadtağı bir äskeri bazanı ballistikalıq zımıranmen atqıladı, dep habarladı trt.net.

Yemende ükimetke qarsı soğısqan housitter Saud Arabiyasınıñ astanası Er-Riyadtağı bir äskeri bazanı ballistikalıq zımıranmen atqılağanı alğa tartıldı.

Assoşieyted Press habar agenttigi bwl şabuıldıñ housitterdiñ Er-Riyadqa jasağan alğaşqı zımıran şabuılı ekenin atap körsetti.

Saud Arabiyası korol'diginen qazirşe resmi mälimdeme jasalmadı. Housitterdiñ Saud Arabiyasına qaytadan şabuıldaytını alğa tartıldı.

Housitterge qarastı habar agenttigi «SABA» jasağan mälimdemege qarağanda Er-Riyadta atqılağan Äl-Mazahmiya bazasınıñ Yemenniñ astanası Sanağa şamamen 1000 şaqırım qaşıqtıqta ekeni atap körsetildi.

Arab baspasözi Er-Riyadtı atqılağan zımırannıñ Sovet Odağı tarapınan öndirilgen jäne «Scud» zımırandarınıñ bir wqsası bolğan «Borkan-1» tipi ekeni jäne Yemende jetildirilgeni alğa tartıldı. Bwl zımırannıñ qaşıqtığınıñ 800 şaqırım ekeni atap körsetildi.

Housitter ötken apta da Qızıl teñizde bir saud soğıs kemesine jankeşti şabuıl jasağan bolatın. Qayıqtarmen jasalğan jankeşti şabuıldıñ artınan 2 saud äskeri qaza tapqan bolatın.

Saud Arabiyası basşılığındağı Arab koaliciya küşteri Yemenniñ halıqaralıq tanılğan ükimetine qoldau üşin 2015 jılı naurız ayınan beri housitterdi nısanağa alğan äskeri operaciyalar wyımdastıradı.

Şayqalıstı jıldardı bastan keşken Yemen üşke bölşektenip otır. Eldiñ şığısı, ortalıq aymaqtarı men Aden jäne Taizdi qamtitın oñtüstik qalalar Abdurabi Mansur Hadidiñ baqılauında.

Eldiñ batısı Iran qoldau bergen housitterdiñ baqılauında. Bwl eki top 2015 jıldıñ naurız ayınan beri qaqtığısuda.

 “The Qazaq Times”