فوتو: trt.net.

يەمەندەگى حوۋسيتتەر ەر-ريادتاعى ءبىر اسكەري بازانى بالليستيكالىق زىمىرانمەن اتقىلادى، دەپ حابارلادى trt.net.

يەمەندە ۇكىمەتكە قارسى سوعىسقان حوۋسيتتەر ساۋد ارابياسىنىڭ استاناسى ەر-ريادتاعى ءبىر اسكەري بازانى بالليستيكالىق زىمىرانمەن اتقىلاعانى العا تارتىلدى.

اسسوشيەيتەد پرەسس حابار اگەنتتىگى بۇل شابۋىلدىڭ حوۋسيتتەردىڭ ەر-ريادقا جاساعان العاشقى زىمىران شابۋىلى ەكەنىن اتاپ كورسەتتى.

ساۋد ارابياسى كورولدىگىنەن قازىرشە رەسمي مالىمدەمە جاسالمادى. حوۋسيتتەردىڭ ساۋد ارابياسىنا قايتادان شابۋىلدايتىنى العا تارتىلدى.

حوۋسيتتەرگە قاراستى حابار اگەنتتىگى «SABA» جاساعان مالىمدەمەگە قاراعاندا ەر-ريادتا اتقىلاعان ءال-مازاحميا بازاسىنىڭ يەمەننىڭ استاناسى ساناعا شامامەن 1000 شاقىرىم قاشىقتىقتا ەكەنى اتاپ كورسەتىلدى.

اراب ءباسپاسوزى ەر-ريادتى اتقىلاعان زىمىراننىڭ سوۆەت وداعى تاراپىنان وندىرىلگەن جانە «Scud» زىمىراندارىنىڭ ءبىر ۇقساسى بولعان «بوركان-1» ءتيپى ەكەنى جانە يەمەندە جەتىلدىرىلگەنى العا تارتىلدى. بۇل زىمىراننىڭ قاشىقتىعىنىڭ 800 شاقىرىم ەكەنى اتاپ كورسەتىلدى.

حوۋسيتتەر وتكەن اپتا دا قىزىل تەڭىزدە ءبىر ساۋد سوعىس كەمەسىنە جانكەشتى شابۋىل جاساعان بولاتىن. قايىقتارمەن جاسالعان جانكەشتى شابۋىلدىڭ ارتىنان 2 ساۋد اسكەرى قازا تاپقان بولاتىن.

ساۋد ارابياسى باسشىلىعىنداعى اراب كواليتسيا كۇشتەرى يەمەننىڭ حالىقارالىق تانىلعان ۇكىمەتىنە قولداۋ ءۇشىن 2015 جىلى ناۋرىز ايىنان بەرى حوۋسيتتەردى نىساناعا العان اسكەري وپەراتسيالار ۇيىمداستىرادى.

شايقالىستى جىلداردى باستان كەشكەن يەمەن ۇشكە بولشەكتەنىپ وتىر. ەلدىڭ شىعىسى، ورتالىق ايماقتارى مەن ادەن جانە ءتايزدى قامتيتىن وڭتۇستىك قالالار ابدۋرابي مانسۋر ءحاديدىڭ باقىلاۋىندا.

ەلدىڭ باتىسى يران قولداۋ بەرگەن حوۋسيتتەردىڭ باقىلاۋىندا. بۇل ەكى توپ 2015 جىلدىڭ ناۋرىز ايىنان بەرى قاقتىعىسۋدا.

 “The Qazaq Times”