Marstıñ Oñtüstik polyusınan köl tabıldı. Foto: BBC/SCIENCE PHOTO LIBRARY.

Astronomdar alğaş ret Marsta swyıq küyinde saqtalıp twrğan su bar ekenin, mälimdedi. Tipti bwl su Marstıñ oñtüstik polyusında wzındığı 20 şaqırımnan astam alıp köldi qalıptastırğan. Astronomiyadağı bwl tıñ qwbılıs «Mars-Ekspress» stanciyasınıñ Marsis attı radarı arqılı aşıldı. Bwl turalı BBC onlayn qızmeti habarladı.

Bwğan deyin Qızıl jwldız betinde topıraq qabatına aralas mwzdıqtardıñ bar ekeni belgili bolatın. Ğalımdar Mars betiniñ temperaturası joğarlağan kezde bolmaşı sular payda bolıp, tez arada buğa aynalıp ketetinin aytatın. Tek, Marsis radarınıñ soñğı mälimetterinen ğana Mars betinde mäñgi swyıq küydegi sudıñ bar ekeni belgili boldı.

Mars betin barlap jürgen Marsis radarı. Foto: BBC/USGS ASTROGEOLOGY SCIENCE CENTER, ARIZONA STATE UN.

Mars betinde zertteu jürgizip jatqan NASA-nıñ arnaulı qwrılğısı bwğan deyin tek sarqılıp qalğan kölderdi jäne mwzğa aynalğan alqaptardı ğana tapqan. Astronomiyanıñ bwl jañalığı Marsta tirşilik etuge boladı degen boljamdı barğan sayın şındıqqa jaqındata tüsti. Äri, NASA, SpaceX sekildi Marstı otarlağısı keletin ortalıqtardıñ ümitin eseley tüsti.

“The Qazaq Times”