Foto: eadaily.com

Qazirgi küni süriyalıq arab äskeri Dera qalasınıñ batıs böligindegi şabuılın äli jalğastıruda.  Al-Masdar News agenttiginiñ aqparatına qarağanda, osı aptanıñ basında bastalğan Dera qalasınıñ batısındağı auqımdı şabuıl äreketterin jalğastıruda.

Süriya äskerileri strategiyalıq aymaq sanalatın Tal' Äl-Harra tauında ornalasqan tört birdey qalanı alğan. Atalğan taulı aymaq keşeden beri ükimettiñ qolında. Bwl qırıq şaqırımğa deyingi aymaqtı baqılauda wstauğa mümkindik beredi. Bwdan bölek, süriyalıq äskerileri osı aymaqtağı Djassim dep atalatın iri qalanı da basıp alğan. Qazirgi tañda islamşılar keri şeginip, qalanı bosatuğa mäjbür boluda. Endi, qala Süriya äskeriniñ tolıq baqılauında. Ükimettik küşterdiñ endigi maqsattarı — ülkendigi jağınan Deradan keyingi ekinşi qala sanalatın Navanı alu. Nava 2014 jılı terroristerdiñ Süriya äskerine jasağan şabuılı kezinde basıp alınğan eken. Sarapşılardıñ payımdauınşa, Tal' Äl-Harra tauınıñ biliktiñ qolına ötkenine qarağanda, Navanıñ da islamşılardan azat etilui köpke sozıla qoymauı mümkin.

Esteriñizge salsaq, qazirgi tañda Süriyadağı qaqtığıstıñ kesirinen är aymaqqa ketken bosqındar otandarına qaytarıluda. Sonımen qatar, sayasatkerler eldiñ batısındağı eñ iri Dera qalası biliktiñ qolına ötkendikten, Süriyadağı azamattıq soğıstıñ ayaqtalar küni alıs emes degen pikirde.

“The Qazaq Times”