ءسۇريا اسكەرى ەلدىڭ كوپتەگەن قالالارىن تەرروريستەردەن بوساتۋدا

قازىرگى كۇنى سۇريالىق اراب اسكەرى دەرا قالاسىنىڭ باتىس بولىگىندەگى شابۋىلىن ءالى جالعاستىرۋدا.  اl-Masdar News اگەنتتىگىنىڭ اقپاراتىنا قاراعاندا، وسى اپتانىڭ باسىندا باستالعان دەرا قالاسىنىڭ باتىسىنداعى اۋقىمدى شابۋىل ارەكەتتەرىن جالعاستىرۋدا.

ءسۇريا اسكەريلەرى ستراتەگيالىق ايماق سانالاتىن تال ءال-حاررا تاۋىندا ورنالاسقان ءتورت بىردەي قالانى العان. اتالعان تاۋلى ايماق كەشەدەن بەرى ۇكىمەتتىڭ قولىندا. بۇل قىرىق شاقىرىمعا دەيىنگى ايماقتى باقىلاۋدا ۇستاۋعا مۇمكىندىك بەرەدى. بۇدان بولەك، سۇريالىق اسكەريلەرى وسى ايماقتاعى دجاسسيم دەپ اتالاتىن ءىرى قالانى دا باسىپ العان. قازىرگى تاڭدا يسلامشىلار كەرى شەگىنىپ، قالانى بوساتۋعا ءماجبۇر بولۋدا. ەندى، قالا ءسۇريا اسكەرىنىڭ تولىق باقىلاۋىندا. ۇكىمەتتىك كۇشتەردىڭ ەندىگى ماقساتتارى — ۇلكەندىگى جاعىنان دەرادان كەيىنگى ەكىنشى قالا سانالاتىن ناۆانى الۋ. ناۆا 2014 جىلى تەرروريستەردىڭ ءسۇريا اسكەرىنە جاساعان شابۋىلى كەزىندە باسىپ الىنعان ەكەن. ساراپشىلاردىڭ پايىمداۋىنشا، تال ءال-حاررا تاۋىنىڭ بيلىكتىڭ قولىنا وتكەنىنە قاراعاندا، ناۆانىڭ دا يسلامشىلاردان ازات ەتىلۋى كوپكە سوزىلا قويماۋى مۇمكىن.

ەستەرىڭىزگە سالساق، قازىرگى تاڭدا سۇرياداعى قاقتىعىستىڭ كەسىرىنەن ءار ايماققا كەتكەن بوسقىندار وتاندارىنا قايتارىلۋدا. سونىمەن قاتار، ساياساتكەرلەر ەلدىڭ باتىسىنداعى ەڭ ءىرى دەرا قالاسى بيلىكتىڭ قولىنا وتكەندىكتەن، سۇرياداعى ازاماتتىق سوعىستىڭ اياقتالار كۇنى الىس ەمەس دەگەن پىكىردە.

“The Qazaq Times”