Foto: fr.euronews.com

Yemenniñ prem'er-ministri Ahmet bin Dagr eldiñ soltüstigindegi bosqındardı qabıldap, ornalastıruğa şeşim qabıldadı. Onıñ sözinşe, «Ansarullah» (hüsitter) qozğalısı köterilisşileriniñ baqılauında qalğan audandardağı bosqındar Yemen astanası Adenge uaqıtşa ornalastırılmaq.

«Soltüstik aymaqtardağı twrğındardıñ Aden qalasına kelulerine zañmen rwqsat etilgen. Balalar men äyelderdi qiın jağdayda qaldıruğa bolmaydı. Bwl bizdiñ saltımız ben adamdıq qasietimizge jat närse», - degen ol mälimdemesinde.

Yemende 2014 jıldan beri qarulı qaqtığıs toqtamay keledi. Saud-Arabiyasınıñ jetekşiligindegi odaqtastar tarapınan qoldau köruşi ükimettik küşter men hüsitter arasındağı qatañ qaqtığıs Yemenniñ batıs aymağında äli jalğasu üstinde. Wrıstıñ bir jağında «Ansarullah» şiittik qozğalısınıñ köterilisşileri men Yemenniñ «taqtan qwlatılğan» prezidenti Äli Abdullah Salehtıñ jaqtastarı, al ekinşi tarapta — Yemenniñ qazirgi prezidenti Äbd-Rabbu Mansur Hadige berilgen ükimettik äsker. Osı qaqtığıstan jüzdegen otbası üy-jayların tastap, bezip ketken.

“The Qazaq Times”