يەمەن ۇكىمەتى ەلدىڭ سولتۇستىگىندەگى بوسقىنداردى قابىلداۋعا كەلىستى

يەمەننىڭ پرەمەر-ءمينيسترى احمەت بين داگر ەلدىڭ سولتۇستىگىندەگى بوسقىنداردى قابىلداپ، ورنالاستىرۋعا شەشىم قابىلدادى. ونىڭ سوزىنشە، «انسارۋللاھ» (حۇسيتتەر) قوزعالىسى كوتەرىلىسشىلەرىنىڭ باقىلاۋىندا قالعان اۋداندارداعى بوسقىندار يەمەن استاناسى ادەنگە ۋاقىتشا ورنالاستىرىلماق.

«سولتۇستىك ايماقتارداعى تۇرعىنداردىڭ ادەن قالاسىنا كەلۋلەرىنە زاڭمەن رۇقسات ەتىلگەن. بالالار مەن ايەلدەردى قيىن جاعدايدا قالدىرۋعا بولمايدى. بۇل ءبىزدىڭ سالتىمىز بەن ادامدىق قاسيەتىمىزگە جات نارسە»، - دەگەن ول مالىمدەمەسىندە.

يەمەندە 2014 جىلدان بەرى قارۋلى قاقتىعىس توقتاماي كەلەدى. ساۋد-ارابياسىنىڭ جەتەكشىلىگىندەگى وداقتاستار تاراپىنان قولداۋ كورۋشى ۇكىمەتتىك كۇشتەر مەن حۇسيتتەر اراسىنداعى قاتاڭ قاقتىعىس يەمەننىڭ باتىس ايماعىندا ءالى جالعاسۋ ۇستىندە. ۇرىستىڭ ءبىر جاعىندا «انسارۋللاھ» شيتتىك قوزعالىسىنىڭ كوتەرىلىسشىلەرى مەن يەمەننىڭ «تاقتان قۇلاتىلعان» پرەزيدەنتى ءالي ابدۋللاھ سالەحتىڭ جاقتاستارى، ال ەكىنشى تاراپتا — يەمەننىڭ قازىرگى پرەزيدەنتى ءابد-راببۋ مانسۋر حاديگە بەرىلگەن ۇكىمەتتىك اسكەر. وسى قاقتىعىستان جۇزدەگەن وتباسى ءۇي-جايلارىن تاستاپ، بەزىپ كەتكەن.

“The Qazaq Times”