Foto: lemonde.fr

Izrail' men Iran arasında tağı şi şıqtı. Izrail'diñ bwrınğı Energetika jäne Infraqwrılım ministri Gonen Segev Iranğa tıñşılıq qızmet körsetken degen ayıptaumen tergeuge alınuda. Bwl turalı franciyalıq «lemonde.fr» basılımı habarlaydı.

Izrail'diñ qwpiya qızmetter agenttigi Şin Bet pen Izrail' policiyası Izrail'diñ bwrınğı Energetika jäne Infraqwrılım ministri Gonen Segevtiñ üstinen Iranğa tıñşılıq jasadı degen ayıppen tergeu isteri bastalğanın habarlağan. Olar jasağan mälimdemede 1992-1995 jıldarı aralığında Energetika jäne Infraqwrılım Ministri qızmetin atqarğan Segevtiñ Iran tarapına Izrail'diñ energetika narığı men qauipsizdigine qatıstı öte qwpiya mälimetter bergeni aytılğan. Şin Bet agenttiginiñ habarlauınşa, Segev ärtürli uaqıttarda älemniñ türli aymaqtarında Iran intelegenciyalarımen kezdesken.

Eks-ministr Gonen Segev bwrın esirtki tasımalı üşin 10 jılğa abaqtığa qamalğan eken. Keyin bostandıqqa şıqqan soñ, Nigeriyağa qonıstanğan ol ötken ayda Gvineya eline ötu kezinde Nigeriya ükimeti tarapınan Izrail'ge keri qaytarılğan. Al, Segev özine tağılğan ayıptaulardı joqqa şığaruda. Mäseleniñ aq-qarasın anıqtauğa kirisken Izrail' joğarı sotı jaqın künderi naqtı dälelderge qol jetkizip, mälimdeme jasaytının habarlauda.

“The Qazaq Times”