فوتو: lemonde.fr

يزرايل مەن يران اراسىندا تاعى شي شىقتى. ءيزرايلدىڭ بۇرىنعى ەنەرگەتيكا جانە ينفراقۇرىلىم ءمينيسترى گونەن سەگەۆ يرانعا تىڭشىلىق قىزمەت كورسەتكەن دەگەن ايىپتاۋمەن تەرگەۋگە الىنۋدا. بۇل تۋرالى فرانتسيالىق «lemonde.fr» باسىلىمى حابارلايدى.

ءيزرايلدىڭ قۇپيا قىزمەتتەر اگەنتتىگى شين بەت پەن يزرايل پوليتسياسى ءيزرايلدىڭ بۇرىنعى ەنەرگەتيكا جانە ينفراقۇرىلىم ءمينيسترى گونەن سەگەۆتىڭ ۇستىنەن يرانعا تىڭشىلىق جاسادى دەگەن ايىپپەن تەرگەۋ ىستەرى باستالعانىن حابارلاعان. ولار جاساعان مالىمدەمەدە 1992-1995 جىلدارى ارالىعىندا ەنەرگەتيكا جانە ينفراقۇرىلىم ءمينيسترى قىزمەتىن اتقارعان سەگەۆتىڭ يران تاراپىنا ءيزرايلدىڭ ەنەرگەتيكا نارىعى مەن قاۋىپسىزدىگىنە قاتىستى وتە قۇپيا مالىمەتتەر بەرگەنى ايتىلعان. شين بەت اگەنتتىگىنىڭ حابارلاۋىنشا، سەگەۆ ءارتۇرلى ۋاقىتتاردا الەمنىڭ ءتۇرلى ايماقتارىندا يران ينتەلەگەنتسيالارىمەن كەزدەسكەن.

ەكس-مينيستر گونەن سەگەۆ بۇرىن ەسىرتكى تاسىمالى ءۇشىن 10 جىلعا اباقتىعا قامالعان ەكەن. كەيىن بوستاندىققا شىققان سوڭ، نيگەرياعا قونىستانعان ول وتكەن ايدا گۆينەيا ەلىنە ءوتۋ كەزىندە نيگەريا ۇكىمەتى تاراپىنان يزرايلگە كەرى قايتارىلعان. ال، سەگەۆ وزىنە تاعىلعان ايىپتاۋلاردى جوققا شىعارۋدا. ماسەلەنىڭ اق-قاراسىن انىقتاۋعا كىرىسكەن يزرايل جوعارى سوتى جاقىن كۇندەرى ناقتى دالەلدەرگە قول جەتكىزىپ، مالىمدەمە جاسايتىنىن حابارلاۋدا.

“The Qazaq Times”