Foto: 20minutes.fr

Eurodaq Keñesi Qırım annekciyasına baylanıstı Reseyge salınatın sankciyanı 2019 jıldıñ 23 mausımına deyin wzarttı. Bwl turalı Europa Odağı keñesiniñ resmi saytında habarlandı, - dep jazadı «20minutes.fr» agenttigi.

Atalğan sankciya Qırım men Sevastopol'dan Eurodaq elderine importtalatın önimderge, sonday-aq, Qırım men Sevastopol'ğa investiciya qwyuğa tıyım saladı. Europalıqtar men europalıq kompaniyalarğa Qırımda jıljımaytın mülik satıp aluğa, qırımdıq kompaniyalardı qarjılandıruğa, sonımen qatar tauarlardı jetkizu qızmetterin körsetuge rwqsat joq. Bwlardan bölek, sankciyalar qatarında Qırım men Sevastopol' turistik saparlarına baylanıstı qızmetterge, infraqwrılımğa baylanıstı tehnikalıq kömek, deldaldıq, qwrılıstıq nemese injenerlik qızmetterge tıyım salınğan.

Eske salayıq, 24 mamır küni halıqaralıq aqparat qwraldarı AQŞ-tıñ EO elderinen Reseyge qarsı sankciyalardı qatañdatudı talap etkenin habarlağan edi. Onıñ üstine, Wlıbritaniyanıñ prem'er-ministri Tereza Mey da Reseyge qarsı sankciyalardı küşeytu kerektigin mälimdegen bolatın. Endi, atalğan sankciyalar tağı bir jılğa wzartıluda.

“The Qazaq Times”