Putin tikeley efirde körgen bwl suretke: "Mına jol belgisi dwrıs qoyılmağan", – dedi. Foto: BBC.

Reseyde naurız ayındağı saylaudan bwrın bağalar twraqtı küyde twrğan. Saylau öte salıp Reseydiñ 75 oblısında benzin bağası öse bastadı. Mamır ayına jetkende bağanıñ ösui 5,6 payızğa deyin jetti. Soñğı bir aptada Reseydiñ onnan astam qalasında janarmaydıñ qımbattauına qarsı narazılıq şeruleri ötude.

Al, keşe RF prezidenti Vladimir Putin bwl mäselelerge baylanıstı tikeley efirde jauap beruge mäjbür boldı. Alayda tikeley efirde jauap beru kezinde bağanıñ ösuine qarsı ereuilder turalı söz bolğan joq. Prezident Putin el azamattarınıñ «Janarmaydıñ bir litri 45 rubl' boldı, qaşanğa deyin şıdaymız?» degen swrağına: «Bwl energetika resurstarınıñ dwrıs basqarılmauınan kelip şıqtı. Älemde mwnay bağası östi. Şiki mwnaydı eksporttau paydalı bolıp qaldı. Sondıqtan bağa ösip jatır», – dep jauap berdi.

Resey prezidenti azamattardıñ bwl swrağına jauap beru üşin tikeley efirge energetika ministri Aleksandr Novaktı da şaqırdı. Ol bağalardıñ ösui toqtağanın jäne eksport kölemin tejep, bağanı twraqtandıru üşin eksportqa degen memlekettik salıqtı joğarlatu wsınısın ortağa qoydı. Al prezident Putin bwnday zañ jobasın äzirleuge qol qoyğanın ayttı.

“The Qazaq Times”