Yemen mwsılmandarınıñ qajılığına rwqsat berdi. Foto: The Times of Israel.

Üş jıldan beri yemendikterdiñ qajılıq öteuine rwqsat bermey kelgen Saud Arabiyası biıl Yemen tauapşılarına şekarasın aştı. Bwl turalı IRNA aqparattıq agenttigi habarladı.

Saud Arabiyası koroli as-Saud qol qoyğan bwyrıq boyınşa, Yemennen Saud patşalığınıñ jerine qajılıq öteuge keluşilerge äue jäne qwrlıq joldarı aşılğan.

Osıdan üş jıl bwrın Yemendegi soğısqa baylanıstı husitterdiñ qajılıq öteuine şekteu qoyğan. 2014 jılı bastalğan qaqtığısta husit küşteri ortalıq qala Sananı qamtığan birneşe aymaqtı öz qaramağına alğan. Yemendegi soğısta ükimet jağına bolısqan Saud Arabiyasınıñ armiyası 2015 jılı sol elge äsker kirgizdi. Bwl jağdaylar eki el arasındağı şielenisterdi uşıqtırdı.

“The Qazaq Times”