Europa odağı Reseydi 2014 jılı apatqa wşırağan malayziyalıq Boeing-777  wşağına qatıstı kinälilerdi tabuğa kömektesip, öziniñ osı iske qatıstı jauapkerşiligin moyındauğa şaqırdı.

Bwl turalı Europa odağınıñ sırtqı ister jäne qauipsizdik jönindegi joğarı ökili Frederika Mogerini mälimdedi, dep habarlaydı fr.euronews.com agenttigi.

«Eurodaqqa müşe 28 eldiñ barlığı osı apattı kim wyımdastırğanın anıqtau üşin birikti. Biz Reseydi osı istegi jauapkerşiligin moynına alıp, kinälilerdi anıqtau jwmıstarına qatısuğa şaqıramız», - dep mälimdedi Mogerini.

Esteriñize salsaq, Avstraliya men Niderland elderi MN17 reysin jasap, apatqa wşırağan malayziyalıq Boeing-777 wşağı üşin jauapkerşiliktiñ bärin resmi türde Reseyge artqan edi.

Ayta ketu kerek, 2014 jıldıñ 17 şildesinde Ukraina territoriyasında sol wşaqta qaza tapqan 270 adamnıñ tuıstarınan qwralğan top Reseyge qarsı wjımdıq sot isin dayındağan. «Malaysia Airlines» aviakompaniyasına tiesili wşaq Amsterdamnan Kuala-Lumpurğa bağıt alğan bolatın. Wşaqtağı 298 adamnıñ bäri qaza tauıp, 2014 jıldıñ tamız ayında Halıqaralıq tergeu  tobı qwrılğan edi.

Al, 2016 jıldıñ 28 qırküyeginde Halıqaralıq tergeu tobı malayziyalıq Boeing-777 wşaq apatınıñ zertteu nätijelerin resmi türde jariyaladı. Zertteu nätijeleri wşaqqa Resey territoriyasınan Donbassqa jetkizilgen ZRK Buk arqılı soqqı berilgen.

“The Qazaq Times”