Foto: bbc.com

NATO Qırımdağı Kerçen köpiriniñ aşıluın talqılap, "Resey osı äreketi arqılı Ukrainanıñ egemendigine tağı da qol swğıp otır" dep mälimdegen. Bwl turalı france24.com agenttigi habarlaydı.

Atalğan agenttik saytında NATO ökiliniñ: «Qırım Ukrainanıñ da bir böligi bolıp sanaladı. Al Kerçen köpiriniñ salınuı arqılı Ukrainanıñ aymaqtıñ twtastığı men egemendigine tağı da nwqsan keldi», degen mälimdemesi jariyalandı.

Eske salayıq, 15 mamır küni Resey prezidenti Vladimir Putin Kerçen bwğazındağı köpirdiñ aşılu saltanatına qatısqan edi. Resey basşısınıñ osı şeşimi AQŞ pen batıs elderiniñ narazılığın tudırğanday. Mäselen, keşegi habarımızda Eurodaq ökiliniñ "Qırımdağı Kerçen köpiriniñ aşıluı Ukrainanıñ egemendigi men aymaqtıq twtastığın bwzu bolıp sanaladı" degen sözi men AQŞ memlekettik departamentiniñ "Reseyden Qırımğa deyingi avtomobil'di köpir qwrılısı bwğazğa tiimsiz äser etedi", - degen mälimdemesin jazğan edik.

Qarap otırsaq, halıqaralıq resmi wyımdardıñ qay-qaysısı da Reseydiñ köpir salu şeşimine qarsı şığuda.  Köpirdiñ aşılğanına nebäri eki kün ötkenine qaramastan,  oğan qarsı mälimdeme jasauşı halıqaralıq wyımdar men elder qatarı köbeyude.

“The Qazaq Times”