فوتو: bbc.com

ناتو قىرىمداعى كەرچەن كوپىرىنىڭ اشىلۋىن تالقىلاپ، "رەسەي وسى ارەكەتى ارقىلى ۋكراينانىڭ ەگەمەندىگىنە تاعى دا قول سۇعىپ وتىر" دەپ مالىمدەگەن. بۇل تۋرالى france24.com اگەنتتىگى حابارلايدى.

اتالعان اگەنتتىك سايتىندا ناتو وكىلىنىڭ: «قىرىم ۋكراينانىڭ دا ءبىر بولىگى بولىپ سانالادى. ال كەرچەن كوپىرىنىڭ سالىنۋى ارقىلى ۋكراينانىڭ ايماقتىڭ تۇتاستىعى مەن ەگەمەندىگىنە تاعى دا نۇقسان كەلدى»، دەگەن مالىمدەمەسى جاريالاندى.

ەسكە سالايىق، 15 مامىر كۇنى رەسەي پرەزيدەنتى ۆلاديمير پۋتين كەرچەن بۇعازىنداعى كوپىردىڭ اشىلۋ سالتاناتىنا قاتىسقان ەدى. رەسەي باسشىسىنىڭ وسى شەشىمى اقش پەن باتىس ەلدەرىنىڭ نارازىلىعىن تۋدىرعانداي. ماسەلەن، كەشەگى حابارىمىزدا ەۋروداق وكىلىنىڭ "قىرىمداعى كەرچەن كوپىرىنىڭ اشىلۋى ۋكراينانىڭ ەگەمەندىگى مەن ايماقتىق تۇتاستىعىن بۇزۋ بولىپ سانالادى" دەگەن ءسوزى مەن اقش مەملەكەتتىك دەپارتامەنتىنىڭ "رەسەيدەن قىرىمعا دەيىنگى ءاۆتوموبيلدى كوپىر قۇرىلىسى بۇعازعا ءتيىمسىز اسەر ەتەدى", - دەگەن مالىمدەمەسىن جازعان ەدىك.

قاراپ وتىرساق، حالىقارالىق رەسمي ۇيىمداردىڭ قاي-قايسىسى دا رەسەيدىڭ كوپىر سالۋ شەشىمىنە قارسى شىعۋدا.  كوپىردىڭ اشىلعانىنا نەبارى ەكى كۇن وتكەنىنە قاراماستان،  وعان قارسى مالىمدەمە جاساۋشى حالىقارالىق ۇيىمدار مەن ەلدەر قاتارى كوبەيۋدە.

“The Qazaq Times”