Rejisser Satıbaldı Narımbetov. Foto: Sayasat.org

Biıl Alaştıñ 100 jıldığı, soğan oray Ükimet basşısınıñ orınbasarı I.Tasmağambetov arnayı jiın aşıp, dayındıq jasau jayın ayttı. Onıñ qatarında kino tüsiru taqırıbı da qozğaldı. Biz, osığan baylanıstı belgili kinorejisser Satıbaldı Narımbetovke habarlasıp, pikirin swrağan edik. 

S.Narımbetov: Alaş arıstarı turalı kino tüsiru qazaq rejissorlarınıñ bäriniñ armanı. Men “Amanat”, “Mwstafa Şoqay” fil'mderin tüsirdim. Endi, Alaş arıstarın, sonıñ işinde Älihandı tüsirsem dep armandaymın. Tek sonı jüzege asıruğa joğarğı jaqtıñ qoldauı kerek. Nege ekenin qaydam, EKSPO,  Universiada ötkizuge aqşa tabıladı. Al, Alaşqa kelgende qarjı jetpey qaladı. Alaş turalı “Ülken bir jwmıs” jasalu kerek dep aytılğalı qay zaman. Bwl qazaqtıñ erteñi üşin kerek dünie ğoy. Erteñgi bolaşaq üşin, wrpaq tärbiesi üşin, wlttıq sananı bekemdeu üşin, memlekettilikti quattandıru üşin kerek. Toq eterin aytqanda, qazaqqa kerek dünie. Al, osı qazaqqa kerek dünieden joğarğı jaqtağılardıñ ne üşin basın ala qaşatının tüsinbeymin. Äli eşnärse istelgen joq. Iä ükimet basşısınıñ orınbasarı Imanğali Tasmağambetov mırza Alaş turalı Alaştıñ 100 jıldığına dayındalu jaylı ayttı. Endi sol söz ras bolıp, qarjısın şeşip berse rejisserlardıñ qay-qaysısı da tas-tüyin dayın.

Bizden basqa elder, tarihtı arıdan qozğap jatır. Mısalğa Putin skifterden, Şıñğıshannan bastap, barlığın özine tartıp kino tüsirtip jatır. Biz “Qazaq handığığıñ” özin äli tolıq tüsirip bola almay jatırmız. Aqşa bölinbeydi. Rejisserğa ülken qarjılıq demeu bolmasa, eş närse istey almaydı. Auqımdı dünie jasau üşin ülken qoldau kerek. Bizdiñ joğarğı jaqta otırğan kökelerimiz nege ekendigi beymälim, wlttıq, kölemdi dünielerge kelgende qwlıqsız.

 «The Qazaq Times»