Foto: euronews.com

AQŞ prezidentiniñ Wlttıq Qauipsizdik jönindegi keñesşisi Djon Bolton Donal'd Tramp äkimşiliginiñ jaña sankciyasınan keyin Resey qiın jağdayda qaldı dep sanaydı. Tramptıñ Reseyge qatıstı sayasatı turalı pikirin bildirgen Bolton, «Amerika Dauısına» bergen swhbatında osılay degen.

«Resey qiın jağdayda twr. Tramp Reseyge qatıstı birqatar qatal sankciyalar saldı... Prezidenttiñ Reseyge qatıstı qadamdarı öte qatal boldı dep esepteymin. Bwl reseylikterge qattı battı» , - dedi Bolton.

Ol qazirgi uaqıtta Resey biliginiñ Ukrainada, Ortalıq jäne Şığıs Europada öz ıqpaldarın arttıruğa tırısatının, sondıqtan da Reseyge qatıstı arada köptegen mäseleler bar ekenin tilge tiek etti.

«Olar bizdiñ tarapımızdan mwnday qadam kütpegen edi. Meniñşe, Tramp öziniñ «Barak Obama» nemese odan aldıñğı prezidentter siyaqtı emes ekenin körsetti...», - ded Bolton.

Eske salayıq, 6 säuir küni AQŞ reseylik jeti oligarhqa, 17 şeneunikke jäne reseylik 12 kompaniyağa qarsı sankciya salğan edi. Bwl sankciyalar reseydiñ narıqtıq qorın bwzıp, rubl'diñ qwldırauına sebep boldı.

Resey prezidentiniñ press-sekretarı Dmitriy Peskov AQŞ basşısınıñ bwl äreketin nağız soraqılıqqa balap, mälimdeme jasasa, al prem'er-ministr Dmitriy Medvedov bwğan jauap retinde qanday da bir şaralar dayındauğa tapsırma bergen.

“The Qazaq Times”