Äzimbay Ğali. Foto: Matrica.kz

Eger de Iran AQŞ-pen kezekti kelisimşartqa barmasa... Amerika qwrama ştattarı äueli ekonomikalıq sankciyalardı küşeytedi. Eger Iran äskeri qimıl bayqatsa, onda aradağı kikiljiñ uşığıp, qırği-qabaq soğısqa wlasadı. Bwl - aldımen, Iran üşin auır soqqı. Ekonomikalıq twrğıda qıspaqqa alınğan Iran ükimeti bwl kezde de rayınan qaytpasa, AQŞ islam memleketine qarsı operaciyanıñ ekinşi kezeñine ötedi. Al, ekinşi kezeñ - sözsiz, äskeri operaciya. AQŞ wzaq sozbaydı. Raketalıq jäne äue şabuıldarın bastaydı. Onıñ soñı jol jäne öndiristik infraqwrılımnıñ talqandaluımen ayaqtaladı. Iranda parsı wltına qarsı (parsılardıñ üles salmağı 40%-dan 60%-ğa deyin) ıdırau men wlttıq jäne dini separatizm wyımdastırıladı. Iran ükimetin sol jolmen qwlatıp tınadı, odan äri  Irannıñ wlttarın memleketterge bölşekteudi bastaydı. Kurdistan memleketi payda bolıp, ülken Kürdistan bolıp birigedi. Eki Äzirbayjan bir memleket bolıp, tübinde qosıladı. Osıdan keyin, Irak şiit arabtarı ölkesin qosıp aladı. Türkmenniñ de öz sıbağa-ölkesi bar.

Osı rette, Qazaqstanğa da Iranmen saudanı qısqartuğa tura keledi. Biraq Irannıñ yadrolıq qaruı eñ aldımen bizge qauıptı edi, sondıqtan Irandı jazalau bizdiñ müddemizben wştasadı. Mwnay bağası köterilip, Qazaqstan jüdemeydi.

“The Qazaq Times”