Foto: ntv.ru

Jaqın künderi Ortalıq Aziyada BWW-nıñ Azıq-tülik jäne auılşaruaşılığı wyımınıñ (FAO) jaña bağdarlaması iske qosılmaq. Bwl turalı BWW-nıñ resmi saytında jariyalandı.

Atalğan bağdarlama ayasında, aymaqtıñ orman şaruaşılığına qamqorlıq jasalmaq. Resmi mälimetterge säykes, Kavkaz ben Ortalıq Aziya aymağındağı 16 million gektar jerdi alıp jatqan körinedi. Osınşama orman-toğaylardağı köptegen ağaş pen basqa da tabiğat baylıqtarı qarausız qalğandıqtan, jıl sayın ziyanğa wşırauda.  Osınday keleñsizdikterdiñ aldın aluğa bağıttalğan äri Türkiya tarapınan qarjılandırılatın «FAO» bağdarlaması Äzirbayjan, Qazaqstan, Qızğızstan, Täjikstan, Türkimenstan jäne Özbekstan elderine ormandardı qorğau jäne tabiği resurstardı basqaru salasında birqatar şaralardı öñdeu üşin kömektespek. Ötken aptada Samarqandta aymaq elderi ökilderiniñ üş kündik seminarı ötken bolatın. Joğarıda atalğan altı el men Türkiya ükimeti jäne «FAO» ökilderi «jol kartası» dep atalatın  bağdarlamanı talqılağan. «Biz Ortalıq Aziyanıñ tabiği resurstarına qattı köñil bölemiz. Ormandardı dwrıs qadağalaytın basqaru tetigine ie bolmayınşa, tabiğat qwndılıqtarına ornı tolmaytın zarar keledi. Osınday qauip-qaterdiñ aldın alu kerek» , - dedi BWW-nıñ Azıq-tülik jäne auıl şaruaşılığı wyımınıñ Ortalıq Aziyadağı aymaqtıq üylestiruşisi Viorel Gucu.  Ayta ketu kerek, Türkiya ükimeti atalğan jobanı jüzege asıru üşin 10 million dollar bölip otır.

“The Qazaq Times”