جاقىن كۇندەرى ورتالىق ازيادا بۇۇ-نىڭ ازىق-تۇلىك جانە اۋىلشارۋاشىلىعى ۇيىمىنىڭ (FAO) جاڭا باعدارلاماسى ىسكە قوسىلماق. بۇل تۋرالى بۇۇ-نىڭ رەسمي سايتىندا جاريالاندى.

اتالعان باعدارلاما اياسىندا، ايماقتىڭ ورمان شارۋاشىلىعىنا قامقورلىق جاسالماق. رەسمي مالىمەتتەرگە سايكەس، كاۆكاز بەن ورتالىق ازيا ايماعىنداعى 16 ميلليون گەكتار جەردى الىپ جاتقان كورىنەدى. وسىنشاما ورمان-توعايلارداعى كوپتەگەن اعاش پەن باسقا دا تابيعات بايلىقتارى قاراۋسىز قالعاندىقتان، جىل سايىن زيانعا ۇشىراۋدا.  وسىنداي كەلەڭسىزدىكتەردىڭ الدىن الۋعا باعىتتالعان ءارى تۇركيا تاراپىنان قارجىلاندىرىلاتىن «FAO» باعدارلاماسى ءازىربايجان، قازاقستان، قىزعىزستان، تاجىكستان، تۇركىمەنستان جانە وزبەكستان ەلدەرىنە ورمانداردى قورعاۋ جانە تابيعي رەسۋرستاردى باسقارۋ سالاسىندا بىرقاتار شارالاردى وڭدەۋ ءۇشىن كومەكتەسپەك. وتكەن اپتادا سامارقاندتا ايماق ەلدەرى وكىلدەرىنىڭ ءۇش كۇندىك سەمينارى وتكەن بولاتىن. جوعارىدا اتالعان التى ەل مەن تۇركيا ۇكىمەتى جانە «FAO» وكىلدەرى «جول كارتاسى» دەپ اتالاتىن  باعدارلامانى تالقىلاعان. «ءبىز ورتالىق ازيانىڭ تابيعي رەسۋرستارىنا قاتتى كوڭىل بولەمىز. ورمانداردى دۇرىس قاداعالايتىن باسقارۋ تەتىگىنە يە بولمايىنشا، تابيعات قۇندىلىقتارىنا ورنى تولمايتىن زارار كەلەدى. وسىنداي قاۋىپ-قاتەردىڭ الدىن الۋ كەرەك» ، - دەدى بۇۇ-نىڭ ازىق-تۇلىك جانە اۋىل شارۋاشىلىعى ۇيىمىنىڭ ورتالىق ازياداعى ايماقتىق ۇيلەستىرۋشىسى ۆيورەل گۋتسۋ.  ايتا كەتۋ كەرەك، تۇركيا ۇكىمەتى اتالعان جوبانى جۇزەگە اسىرۋ ءۇشىن 10 ميلليون دوللار ءبولىپ وتىر.

“The Qazaq Times”