Saud Arabiyasınıñ taq mwrageri Mwhammed bin Salman. Foto: worldbulletin.net

Saud-Arabiyasınıñ hanzadası Mwhammed Bin Salmannıñ Franciyağa kelui eldegi iemendikter men köptegen adam qwqıqtarı wyımdarınıñ qarsılıqtarın oyattı.

Parijdiñ ataqtı Trokadero alañında jinalğan bir top iemendik Franciyağa kelgen Salmandı «Iemennen qolıñdı tart!» degen wrandarmen qarsı aldı. Köterilisşiler Irannıñ qoldauındağı hüsitterge qarsı äue şabuıldarın wyımdastırğan Saud-Arabiyasınan osı şabuıldarğa nükte qoyuın talap etti.

Bir twstan ortaq mälimdeme jasağan adam qwqıqtarı jönindegi 10 wyım Salmannan dereu äue şalbuıldarı men gumanitarlıq dağdarıstı uşıqtıruşı blokadağa nükte qoyuın swradı.

Adam qwqıqtarı jönindegi wyımdar Franciyanıñ Saud-Arabiyasına qaru satqanın da sınğa aldı. Saud Arabiyası men BAÄ hüsitterdiñ 2015 jılı bastağan köterilisterine qarsı prem'er-ministr Manswr Hadige qoldau körsetip, olarğa qarsı äue şabuıldarın bastağan edi. Al, BWW Iemendegi osı qaqtığıstarda 2015 jıldan beri 10 mıñ adamnıñ qaza tapqanı turalı habarladı.

“The Qazaq Times”