Malala YUsufzay Nobel' Beybitşilik sıylığınıñ laureatı Malala YUsufzay . Foto: Live In Canada.

Älemdegi eñ jas Nobel' Beybitşilik sıylığınıñ iegeri päkistandıq Malala YUsufzay bes jıldan keyin eline qaytıp oraldı. Bes jıl bwrın ol talipterdiñ oğınan jaralanğan edi. Mwsılman qızdardıñ bilim alu qwqığın qorğağan Malala älemdegi eñ tanımal adamdardıñ biri. Tipti Batıs elderi onı «Qızdardıñ bilim alu qwqığınıñ simvolına» balaydı. Ol bügin tañerteñ ata-anasımen birge Islamabad äuejayına barıp qondı. Bwl turalı BBC habarladı.

Malala 2009 jıldan Bastap talipterdiñ biligi astında ömir sürip jatqan jerlesteri turalı BBC-diñ ürdi tilindegi saytında jeke blogına jazıp, tanımal bola bastağan. Sol kezde Malalanıñ tuğan ölkesi Svattı Taliban küşteri baqılauında wstap twrğan. Keyin Päkistan ükimeti bwl aumaqtı öz qaramağına qaytardı. Bes jıl bwrın Malala YUsufzayğa mektepten qaytar jolında din fanattarı şabuıl jasağan. Basına oq tigen Malala auruhanağa jetkiziledi, keyinnen Wlıbritaniyada emdeldi.

Oquın jalğastırğan ol qarapayım oquşı bolıp qalmağan. Ol öziniñ ömirinen kitap jazıp jariyalağan. Bwl kitabın Wlıbritaniya patşayımına kezikkende sıyğa da bergen bolatın. Mwsılman qızdarınıñ bilim alu qwqığı üşin küresken Malala Nobel' Beybitşilik sıylığın aldı jäne BWW tarihındağı «Eñ jas elşi» atağın alğan. BWW Bas hatşısı Antoniu Guterreş: «Älemdegi eñ mañızdı närse – barlıq balalardıñ bilim ala aluı. Al, Malala bwnıñ simvolı», – dep bağalağan.

Adam qwqığın qorğauşı jas aktivist tuğan elinde 4 kündik saparda boladı. Saparınıñ kün tärtibinde eldiñ prem'er-ministrimen kezdesu de ornalastırılğan. Ol elindegi jäne älemdegi balalardı bilim alu qwqığın qorğauğa şaqırğan. Päkistan ükimetiniñ mälimetine sensek, Malalanıñ äreketinen keyin Päkistanda äyelderdiñ zorlıq-zombılıqqa wşırau körsetkişi tömendegen. 17 jastağı Malalanıñ armanı – Päkistannıñ prem'er-ministri bolu.

 “The Qazaq Times”