F/A-18F Super Hornet. Foto: Airliners.net.

AQŞ-tıñ Teñiz äskeri küşterine tiesili F/A-18F Super Hornet attı soğıs wşağı apatqa wşırap, 2 wşqış qaza taptı. Bwl turalı «Şinlañ» aqparattıq saytı habarladı.

AQŞ-tıñ Atlant mwhitındağı Bas ştabı jasağan mälimdemede, äskeri teñiz küşterine tiesili soğıs wşağı Floridadağı Boca Chica äskeri bazasındağı bir retki oqu-jattığu kezinde qwlağan.  

Mälimetke qarağanda, apattı jağday soğıs wşağı qonuğa dayındalğan kezde bolğan. Wşaqtağı eki wşqış özderin keñistikke laqtırğan. Alayda, wşqıştardıñ mäyiti bazağa 2 şaqırım qaşıqtıqtağı su aydınınan tabılğan.

Soñğı jıldarı AQŞ-tıñ  F/A-18F türindegi soğıs wşaqtarı jii apatqa wşırauda. Mälimetterge qarağanda, atalğan soğıs wşağındağı keybir tehnikalıq aqaular wşqıştarğa köp kedergi keltiredi. Keyde kabina işinde ottegi jetispeu saldarınan wşqıştardıñ twnşığatını, onıñ soñı apattı jağdayğa alıp keletini de aytıladı.  

“The Qazaq Times”