73 T90s tankteri. Foto: SHT.

Irak Reseyge tapsırıs bergen 73 T90s tankterinen  36 danasın qabıldap aldı. Iraktıñ Bas Ştab basqarmasınıñ qolbasşısı Osman äl-Ganimi mälimdemesinde eki eldiñ jasasqan kelisimine say Reseyde jasalğan tankterdi satıp ala bastağanın ayttı.  Bwl turalı «Anadolı» aqparattıq agenttiginiñ resmi saytı habarladı.

Irak ükimet armiyası bıltır Reseyge 73 T90s türindegi tankteriniñ 50 danasına tapsırısqa bergen bolatın. Resey jağı qalğan tankterdi säuir ayına deyin Irakqa ötkizip beretinin mälimdegen. Iraktıñ ükimetke qarastı qarulı küşteri aldağı uaqıtta tolıqtay jasaqtalğan tank qosındarınıñ qwrılatının mälimdep otır.

Irak armiyası bıltır jıl soñında eldegi DAIŞ-ke qarsı soğıstıñ jeñiske jetkenin habarlağan jäne aldağı uaqıtta armiyanıñ quatın arttırudı qolğa alatının mälimdegen bolatın. Iraktıñ bwdan özge AQŞ, Qıtay, Ukraina elderinen qaru-jaraq satıp alu kelisimi bar.  

“The Qazaq Times”