73 ت90س تانكتەرى. فوتو: سحت.

يراك رەسەيگە تاپسىرىس بەرگەن 73 ت90s تانكتەرىنەن  36 داناسىن قابىلداپ الدى. يراكتىڭ باس شتاب باسقارماسىنىڭ قولباسشىسى وسمان ءال-گانيمي مالىمدەمەسىندە ەكى ەلدىڭ جاساسقان كەلىسىمىنە ساي رەسەيدە جاسالعان تانكتەردى ساتىپ الا باستاعانىن ايتتى.  بۇل تۋرالى «انادولى» اقپاراتتىق اگەنتتىگىنىڭ رەسمي سايتى حابارلادى.

يراك ۇكىمەت ارمياسى بىلتىر رەسەيگە 73 ت90س تۇرىندەگى تانكتەرىنىڭ 50 داناسىنا تاپسىرىسقا بەرگەن بولاتىن. رەسەي جاعى قالعان تانكتەردى ءساۋىر ايىنا دەيىن يراكقا وتكىزىپ بەرەتىنىن مالىمدەگەن. يراكتىڭ ۇكىمەتكە قاراستى قارۋلى كۇشتەرى الداعى ۋاقىتتا تولىقتاي جاساقتالعان تانك قوسىندارىنىڭ قۇرىلاتىنىن مالىمدەپ وتىر.

يراك ارمياسى بىلتىر جىل سوڭىندا ەلدەگى دايش-كە قارسى سوعىستىڭ جەڭىسكە جەتكەنىن حابارلاعان جانە الداعى ۋاقىتتا ارميانىڭ قۋاتىن ارتتىرۋدى قولعا الاتىنىن مالىمدەگەن بولاتىن. يراكتىڭ بۇدان وزگە اقش، قىتاي، ۋكراينا ەلدەرىنەن قارۋ-جاراق ساتىپ الۋ كەلىسىمى بار.  

“The Qazaq Times”