Barlıq qazaqstandıqtarğa belgili bolğanday, otandasımız Dimaş Qwdaybergenov Qıtayda ötip jatqan «Änşi» jobasınıñ betaşar taratılımında joğarı nätije körsetti. Alğaşqı orındağan änimen-aq bir künde tanımal jwldızğa aynalıp şığa keldi. Saytımız alğaş bolıp, onıñ birinşi tüsirilimin Qazaqstan jwrtşılığına jetkizdi.  Barlıq qazaqstandıqtarmen birge, jobanıñ ekinşi aynalımın apta boyı asığa küttik.

Qıtay Hunan provinciyasınıñ telekanalında taratılıp jatqan jobanıñ ekinşi aynalımı bügin Beyjiñ uaqıtımen 22:15 mölşerinde bastaldı. (Astana uaqıtımen 20:15) Kezekti än bäsekesinen bwrın, Dimaş turalı arnayı beyne syujet tarattı. Onda Dimaştıñ jobadağı jarqın jwldız ekenin anıq körsetipti. Alğaşqı aynalımnıñ altın belgisin alğan Dimaştıñ, ata-anasına, otbasına bwl quanışın onlayn qoñırau arqılı jetkizgenin de nazarınan qağıs qaldırmaptı. Birinşi aynalım ayaqtalğannan keyingi, kütu bölmesine altın belgi alıp kirgen Dimaştı äriptesteriniñ qwşaq jaya qarsı alğanın bayqadıq.

Ekinşi aynalımda Dimaştıñ aldın-ala dayındağan äni rwqsatsız taratılıp ketkendikten, oğan jaña änge dayındalu tapsırılıptı. Jobada Dimaşpen jwmıs jasağan mamandar oğan Vitastsıñ «Opera 2» änin sınap köruge wsınıs bergen. Al Dimaş bolsa bwl änge öziniñ bwrınnan sıralğı ekenin, tipti Vitastan eki dıbıs joğarı ayta alatının jetkizgende, qıtay mamandardıñ esi şığıp ketse kerek.  Sonımen ekinşi aynalımğa Dimaştıñ orındauındağı «Opera 2» äni tağı bir märte Qıtaydı silkip alıptı.

Tipti, ol dauısın birte birte joğarığa köterip, äuezin äuede qalıqtatqanday wstap twrğanda, qıtaylıq körermender ornınan öre twrıp, barmaqtarın körsetti. Süyiniş pen tañdanıs olardıñ jüzinen ayqın bilinip twrdı. Bwl jolı Dimaştıñ änin körermender arasında äkesi Qanat Aytbaev ta tıñdadı. Wlına razı bolğan äkeniñ jüzinde maqtanış pen süyiniş qatar bilinedi.

Ayta keteyik,  Vitas «Opera 2» änimen köp jıl bwrın Qıtayğa eñ tanımal şeteldik önerjwldızı bolıp edi. Dimaştıñ äninen keyin olar Vitastı wmıtıp ketui äbden mümkin.

Jaraysıñ Dimaş!

“The Qazaq Times”