Kaspiy teñiziniñ jaña qwqıqtıq märtebesin retteu jwmıs tobınıñ 48-şi eki kündik otırısı beysenbi küni mälimdeme jariyalap, öz jwmısın ayaqtadı. Foto: parstoday.com

Iran Teleradio birlestiginiñ aqparat agenttiginiñ Bakuden habarlauınşa, Iran, Resey, Qazaqstan, Türkimenstan jäne Äzirbayjan Sırtqı ister ministrleri orınbasarlarınıñ otırısında Kaspiy teñiziniñ jaña qwqıqtıq märtebesine qatıstı konvenciya dayındau turalı swhbattasu ötip, konvenciyanı dayındau jwmıstarı birneşe qadam alğa ilgeriledi, dep habarlaydı “Fars” baspasöz agenttigi.

Iran Sırtqı ister ministriniñ Aziya jäne Tınıq mwhit elderi isteri jönindegi orınbasarı äri Irannıñ bes adamnan twratın delegaciyasınıñ jetekşisi Ibrahim Rahimpur otırıstıñ soñında kelissözderge rizaşılıq bildirip: «Otırısqa qatısqan Kaspiy teñizi jağalauında ornalasqan bes eldiñ delegaciyası kelissözder men  onıñ nätijelerine riza boldı»,- dedi.

Iran Sırtqı ister ministriniñ orınbasarı Kaspiy teñiziniñ jaña qwqıqtıq märtebesine qatıstı konvenciyanı dayındau jwmıs tobınıñ 48-şi otırısınıñ kelisimderin mañızdı dep bağalap: «Egemendik, qwzırettilik, qauipsizdik, aumaqtıq sular, balıq aulau aymağı, teñiz tübi men jer qoynauınıñ şekaraları, äskeri kemelerdiñ aumaqtıq sulardan ötui jäne  kabelder men qwbırlar jürgizu otırıstıñ negizgi taqırıptarı retinde talqılandı»,- dedi.

Kaspiy teñiziniñ jaña qwqıqtıq märtebesine qatıstı konvenciyanı dayındaytın jwmıs tobınıñ kelesi otırısı Aşhabadta ötedi.

“The Qazaq Times”