Foto: QT

2017 jılı Birıñğay jinaqtauşı zeynetaqı qorına problemalı emitentterden 1 mlrd 249 mln teñge somadağı qarız qaytarıldı. Osılayşa qazirgi kezde qordıñ problemalı aktivteri 37 mlrd teñgege deyin tömendegen. Bwl turalı bügin BJZQ baspasöz konferenciyasında mälim boldı. 

"Bizde 19 problemalı emitent bar. Olardıñ qorğa jalpı bereşek soması 37 mlrd teñgege teñ.  Jürgizilgen jwmıstardıñ arqasında olardıñ qarızı azayıp keledi. Biz jwmıstı toqtatpaymız. Köptegen kompaniyalar "qwytwrqılıqqa" salınıp, bankrot bolğısı keledi de, bizdiñ sottasuımızğa tura kelip jatadı. Biz qor tarapınan bankrot boluğa wşıratpaudıñ şaraların jasap jatırmız", - dedi "BJZQ" AQ jwrtşılıqpen baylanıs departamentiniñ direktorı Qadırjan Zabih.

Bwdan bölek, baspasöz konferenciyasında qor törağasınıñ orınbasarı Säule Egeubaeva biraz salımşılar zeynetaqıların saqtandıru kompaniyalarında räsimdegenin ayttı.

"2017 jılı 26,06 mlrd teñge saqtandıru kompaniyalarına audarıldı. Salımşılar zeynetaqı annuitetin saqtandıru kompaniyalarınan räsimdeudi jön körgen. Olardıñ sanı 2017 jılı  2784 adam boldı", - dedi Egeubaeva.

Mwndağı zeynetaqı annuiteti degenimiz - BJZQ-dağı jinağı jetkilikti bolğan jağdayda, tağayındalğan zeynetaqı jasına qaramastan öziniñ zeynetaqısın aluğa mümkindik alu üşin saqtandıru kompaniyasımen jasalatın kelisim. Degenmen saqtandıru kompaniyalarınıñ talabı boyınşa eger äyel adam 50 jasta zeynetke şıqqısı kelse, onıñ 9,7 mln teñge şamasında jinağı bolu kerek. Al er adam 55 jasında zeynetke şığu üşin şotında 6,9 mln teñge bolu qajet. Bwl 2017 jıldıñ basındağı statistika. Biıl bwl körsetkiş özgerui de ğajap emes.

“The Qazaq Times”