Şabuıldan keyingi äskeri baza. Foto: REUTERS.

Auğanstannıñ ortalıq qalası Kabulda äskeri bazağa terrorlıq şabuıl jasalıp, keminde 11 äsker qaza taptı. Bwl şabuıldı «Islam memleketi» terrorlıq wyımı öz moynına aldı. Bwl turalı BBC habarladı.

Kabul qalasınıñ batısındağı äskeri bazağa «IM» terrorlıq wyımınıñ müşeleri qarulı şabuılmen basıp kirgen. Qwraldı şabuılmen birge jankeşti jarılıs ta jasağan. Qauipsizdik qızmetkerleri men terrorlıq top müşeleri arasındağı qaqtığısta tört sodır oqqa wştı nemese özin jarıp jiberdi, terrorlıq toptıñ bir müşesi qolğa tüsti. Jarılıstar men granatomet şabuıldarınan 11 äsker qaza tauıp, 7 adam auır jaraqat alğan.

Bwl Kabul qalasında bir aptanıñ işinde tuılğan üşinşi retki terrorlıq şabuıl. Ötken senbidegi qala ortalığındağı jarılısta 100-den asa adam qaza tapqan. Al onıñ aldında qonaq üyge jasalğan şabuıl kezinde 22 adamnıñ qaza bolğanı anıqtalğan.

 “The Qazaq Times”