شابۋىلدان كەيىنگى اسكەري بازا. فوتو: REUTERS.

اۋعانستاننىڭ ورتالىق قالاسى كابۋلدا اسكەري بازاعا تەررورلىق شابۋىل جاسالىپ، كەمىندە 11 اسكەر قازا تاپتى. بۇل شابۋىلدى «يسلام مەملەكەتى» تەررورلىق ۇيىمى ءوز موينىنا الدى. بۇل تۋرالى BBC حابارلادى.

كابۋل قالاسىنىڭ باتىسىنداعى اسكەري بازاعا «يم» تەررورلىق ۇيىمىنىڭ مۇشەلەرى قارۋلى شابۋىلمەن باسىپ كىرگەن. قۇرالدى شابۋىلمەن بىرگە جانكەشتى جارىلىس تا جاساعان. قاۋىپسىزدىك قىزمەتكەرلەرى مەن تەررورلىق توپ مۇشەلەرى اراسىنداعى قاقتىعىستا ءتورت سودىر وققا ۇشتى نەمەسە ءوزىن جارىپ جىبەردى، تەررورلىق توپتىڭ ءبىر مۇشەسى قولعا ءتۇستى. جارىلىستار مەن گراناتومەت شابۋىلدارىنان 11 اسكەر قازا تاۋىپ، 7 ادام اۋىر جاراقات العان.

بۇل كابۋل قالاسىندا ءبىر اپتانىڭ ىشىندە تۋىلعان ءۇشىنشى رەتكى تەررورلىق شابۋىل. وتكەن سەنبىدەگى قالا ورتالىعىنداعى جارىلىستا 100-دەن اسا ادام قازا تاپقان. ال ونىڭ الدىندا قوناق ۇيگە جاسالعان شابۋىل كەزىندە 22 ادامنىڭ قازا بولعانى انىقتالعان.

 “The Qazaq Times”