Iran ükimeti dağdarıstan şığudıñ jolın qarastıruda. Foto: Payvand News.

Irannıñ bwrınğı sayasatkerleri jäne ekonomika mamandarı eldegi dağdarıstı oñaudıñ joldarın qarastıruda. Olar dağdarıs astarındağı ekonomikalıq mäselelerdi talqılap, şeşudiñ amalın qarastıruda. Bwğan eldegi birqatar ekonomika mamandarımen qatar eldiñ bwrınğı ministrleri de qatıstı. Bwl turalı «People» basılımınıñ resmi saytı jazdı.

Keñeske qatısqan bwrınğı ministrler arasında Iran Islam Eñbek partiyasınıñ törağası, bwrınğı Eñbek jäne halıqtı äleumettik qorğau ministri Hwseyn Kemali dağdarıstıñ naqtı sebepterine toqtaldı. Ol sözinde: «Bwl retki Meşhed qalasında bastalğan halıqtıq ereuilderdiñ astarında türli sebepter bar. Aytalıq, inflyaciya, valyuta bağamınıñ twraqsızdığı, jwmıssızdıq, jemqorlıq, infraqwrılımdağı olqılıqtar, aua lastanu jäne auıl şaruaşılıq salasındağı qiındıqtar qatarlılar bar. Qazirgi jäne bwrınğı ministrler bwl salalardağı kemşilikterdi tez arada tüzetuge tura keledi», – dedi.

Bwdan sırt ekonomika mamandarı qazirgi kezdegi Iran ekonomikası tap bolıp otırğan eñ kürdeli degen 5 mäseleni atay otırıp, ükimetke şeşu joldarın körsetti. Ekonomisterdiñ bir böligi Ortalıq Aziya, Tayau-Şığıs jäne Europa men Qıtayğa bağıttalğan jaña ekonomikalıq bağdarlamalardı tüzip şığudı aytsa, tağı bireuleri işki öndiristi damıtu üşin byudjettiñ şetke ağıluın qısqartudı ortağa saldı.

Şetel sarapşılarınıñ pikirinşe, Irannıñ qazirgi ükimeti eldiñ ekonomikası men äleumettik jağdayın baqılaudan şığarıp qoyğan. Bwl üşin Iran işki jäne sırtqı sayasatta reforma jasauı tiis dep qaraydı.

“The Qazaq Times”