Foto: ALAMY

Oñtüstik Koreya Pioñyañğa  osı jıldıñ aqpan ayında ötetin Olimpiada oyındarına Soltüstik Koreya sportşılarınıñ qatısu mümkindigin talqılau üşin kezdesudi wsındı. Osıdan bwrın Soltüstik Koreya Prezidenti Kim Joñ Un Phençhanda ötetin Qısqı Olimpiada oyındarına öz eliniñ atınan qwrama jiberu turalı oylanu üstinde ekenin habarlağan edi. Oñtüstik Koreya basşısı kelesi aptanıñ seysenbisine josparlanğan kezdesu qos taraptıñ qarım-qatınasın jaqsartuğa jol aşatınına senim bildirdi. Bwl turalı VVS aqparattıq agenttigi jazdı. 

Eki eldiñ ökiletti twlğalarınıñ bas qosuına qanşa delegat qatısatını äli belgisiz. Öytkeni Soltüstik Koreya äli jauap bergen joq. Degenmen kezdesu Panmundjomdağı demilitaciyalıq zonada ornalasqan auılda ötedi dep kütilude. Bwl - qos Koreya memleketiniñ kezdesuleri bastalğan tarihi jer.

2015 jılı jeltoqsan ayında bolğan kezdesu ortaq şeşimge kelmesten ayaqtaldı. 2017 jılı Oñtüstik Koreyanıñ äskeri qimıldar men soğıs kezinde bir-birinen ajırap qalğan otbasılardı jaqındarımen qauıştıru mäselesin talqılauğa şaqırğan wsınısı jauapsız qaldı.

Biraq jaña jıldıñ aldındağı sözinde Soltüstik Koreya Prezidenti Kim Joñ Un barlıq kelissözderge dayın ekenin aytqan bolatın. Bwl körşi memleket pen älem basşılarınıñ keudesine ümit sıylağanımen, onıñ AQŞ-qa qarsı yadrolıq qaru batırması ärdayım üstel üstinde ekeni jönindegi mälimdemesi barlıq senimniñ küşin joydı.

Oñtüstik Koreyadağı Qısqı Olimpiada oyındarınıñ wyımdastıru komitetiniñ Prezidenti Li Hi Bem Yonhap aqparattıq agenttigine bergen swhbatında: "Körşi memleket sportşılarınıñ jarısqa qatısuı jaña jıldıq sıylıq bolar edi", -  dep mälimdegen.  Soltüstik Koreya 1988 jılı Seulda  ötken Olimpiada oyındarına boykot jariyalağan bolatın. Phen'yan Olimpiada oyındarına qatısu kvalifikaciyasına ie, mänerlep sırğanau sportı boyınşa  Riom Tayek pen Kim Ju Siktı resmi tirkeu procesine keş qalğanımen, sportşılar Halıqaralıq Olimpiada komitetiniñ şaqırtuımen dodada baq sınay aladı.

“The Qazaq Times”