Foto: azattyq.org

AQŞ Prezidenti Donal'd Tramp Ierusalimdi Izrail'diñ astanası dep moyındau turalı şeşimin keyinge qaldıratın boldı. Bwl AQŞ odaqtastarı men özge memleketter tarapınan tuındağan narazılıqtar men tüsinispeuşilikterge baylanıstı. Aq üy Prezidenttiñ  AQŞ-tıñ Tel'-Avivtegi elşiligin Ierusalimge köşiru turalı soñğı  şeşimi jaqın künderi jariyalanatının habarladı. 

Donal'd Tramptıñ AQŞ elşiligin Ierusalimge köşiru turalı bastamasınan keyin Amerika basşısına älem sayasatkerleri tarapınan öte köp qoñırau tüsken. Izrail' men Palestina arasındağı är tarap Ierusalimdi  öz astanası köretin daudıñ soñğı nüktesi qoyılmağanına qaramastan, AQŞ-tıñ onı Izrail'diñ menşigi dep moyındauı köp memlekettiñ narazılığın tudırdı.

Franciya Prezidenti Emmanuel' Makron: "Bwl mäsele Izrail' men Palestina arasında şeşiletin taqırıp", - dep, AQŞ-tı sırtqı sayasatına ülken özgerister äkeletin qadamğa barmaudı eskertti. Türkiya: "AQŞ-tıñ bir taraptı qoldauın bwlay aşıq bildirui öñirde jaña qaqtığıstar men tartıstardıñ tuındauına alıp keledi", - dep qauiptense, Arab memleketteriniñ Odağı Tayau Şığıstıñ twraqtılığına alañdaytının bildirdi.

Barlıq memleketterdiñ bas elşiligi Tel'-Avivte ornalasıp, Ierusalimde konsuldıqtar jwmıs isteydi. 1995 jılı AQŞ Kongresi öz elşiligin Ierusalimge auıstıru turalı arnayı akt qabıldağanımen,  Bill Klintonnan bastap, Barak Obamağa deyingi Prezidentter wlttıq qauipsizdikti saqtau maqsatında bwl şeşimdi zañdı küşine engizudi keyinge qaldırıp keldi. Endi  özine deyingi basşılar bara almağan batıldıqqa Donal'd Tramptıñ qayratı jeter-jetpesi jaqın künderi belgili boladı.

“The Qazaq Times”