Yahoo kompaniyasınıñ ştab päteri. Foto: WSJ.

Halıqaralıq jeli şabuılmen ayıptalğan qazaqstandıq haker Karim Baratov seysenbi küni «2014 jılğı Yahoo kompaniyasınıñ (Yahoo! Inc. /YHOO) qauipsizdik jüyesine şabuıl jasau isine tikeley qatısı bar» degen ayıptı moyındauı mümkin. AQŞ-tıñ Federaldıq ayıptau aktisinde şabuıl josparın reseylik şpionnıñ josparlağanı aytılğan. Bwl turalı «WSJ» basılımı habarladı.

22 jastağı Qazaqstan jäne Kanada azamatı Karim Baratov biıl naurızda Torontoda wstalğan. Köp ötpey AQŞ şeneunikteri federaldıq şağım jariyalap, Baratovtı eki reseylik tıñşımen birlesip  Yahoo kompaniyasınıñ derekterin wrladı dep ayıptadı. Bwl turalı Baratovtıñ advokatı tüsinik beruden bas tarttı.

Qazaqstan jäne Kanada azamatı Karim Baratov. Foto: iStory.kz.

Soltüstik Kaliforniya sotınıñ veb-saytındağı mälimette «Baratov seysenbi küni tañerteñ bolatın AQŞ Federaldıq sud'yası Vins Çhabriya (Vince Chhabria)  törağalıq etken San-Franciskodağı sot otırısına qatısadı» delingen. Sonımen birge, bwl otırısta Baratov öziniñ kinäsiz ekenin däleldeuine mümkindigi bar.

Derekközderiniñ mälimetine qarağanda, Baratovtıñ advokatı men federaldıq ayıptauşılar arasındağı wzaq uaqıtqa sozılğan kelissözden keyin, Baratov kinäsin moyındaydı dep kütilude. Qazirgi uaqıtta Baratovtıñ özin aqtau ötinişiniñ şarttarın anıqtau mümkin emes. Degenmen, eki jaq ta wsınılğan kelisimdi joyu turalı şeşim qabılday aladı.

“The Qazaq Times”