Soltüstik Koreya armiya qatarındağı äyel jauıngerler. Foto: BBC.

Soltüstik Koreya armiyası sanı jağınan älemniñ törtinşi ornında. Armiyada er jauıngerlerden tıs äyelderdiñ sanı da az emes. Alayda, Soltüstik Koreya armiyasınıñ tärtip-tüzimi äyel äskerler üşin tım auır tietini, sol armiya sabınan qaşıp şıqqan birli-jarım äyel äskerler jağınan mälim bolıp otır.  BBC-diñ resmi saytında Soltüstik Koreya armiyasınıñ qatarınan qaşıp şıqqan Li So Ionnıñ sözin jariya etti.

Li So Ionnıñ aytuınşa, armiya qatarında wrıp soğu, zorlıqtı küş qoldanu, älimjettilik isteri jii orın alatındıqtan, äyelderdiñ qalıptı fiziologiyalıq ğadeti bwzılu sındı ister köptep wşırasadı eken. Ol KHDR qarulı küşteri qatarında 10 jılğa juıq qızmet etken. Onıñ özinde sol eldegi 90-şi jıldarı bolğan aştıqta, keminde tamaqtan tarşılıq körmes üşin äyel äskerler qatarına qosılğan. Onıñ sözine sensek, Soltüstik Koreya äskerleri tım japalı twrmıs ötkizetin körinedi.

Li So Ion sözinde: «Äyel äskerler twratın korpustarda ünemi ıstıq su bolmaydı. Juınu üşin şatırlardan ağıp tüsken jañbır suın paydalanatın. Onımen birge keyde qwrt-qwmırsqa  baqa, jılandar da ağıp keletin.», – deydi. Ol jäne eki qabattı tösekterdiñ tösenişteri küriş sabandarınan jasalatındıqtan jaysız äri jattığuda keyingi ter iisi siñip wzaq mezgil sol iistiñ ketpeytinin de eske aldı. Ol jäne özimen qatar mıñdağan äyelderdiñ aştıq jıldarında tamaq asırau üşin armiya qatarına qosılğanın aytıp bergen.

17 jasında armiya qatarına kirgen Li So Ionğa alğaşında äskeri ömiri wnağan. Patriotizm sezimi men saptastar ara berik mahabbat ornatqan. Armiyadağı tärtip äyelder men erkekterge qaşanda birdey jürgizilgen. Degenmen, fizikalıq küşti talap etetin auır jwmıstardan äyel äskerler bosatılıp, esesine kün sayın tamaq dayarlau, tazalıq, retteu jwmıstarına tartılğan. Tınımsız jattığular men jeterlik tamaqtanbau aqırı olardıñ densaulıqtarına äser ete bastağanın aytadı Li So Ion. Dwrıs tamaqtanbau men qalıpsız äri toqtausız jattığu altı ay nemese bir jılda armiya qatarındağı barlıq äyel äskerlerdiñ fiziologiyalıq ädetteriniñ ciklın bwzğan. Tipti keybiriniñ etekkiri kelmeytin bolğan.

Soltüstik Koreya armiyasında äyelderdiñ mwnday özgeşe fiziologiyalıq jağdaylarına mülde köñil bölinbeytinin aytadı kuäger. Tipti qatardağı äyel jauıngerlerge fiziologiyalıq ädeti kezinde paydalanatın tazalıq bwyımdarıda tolıq qarastırılmağan. Sondıqtan, keybir äleder armiya qatarında öziniñ etekkiriniñ kelmey qalğanına quanğan.

2015 jılı Soltüstik Koreyada 18 jasqa tolğan barlıq äyelderge 7 jıl äskeri mindet öteu kerek degen belgileme şığardı. Al erlerge bwl elde äskeri mindet 10 jıl dep belgilengen. Bwl qazir älemdegi äskeri mindettegi eñ wzaq merzim. Resmi mälimetterge qarağanda eldiñ 15 payız şığımı armiyağa arnaladı. Biraq, keybir mälimetterde bwl tipti 40 payızdı qwrauı mümkin delingen.

Li So Ion sekildi Soltüstik Koreya armiyasınıñ qatarında bolğan Bek pen Moril'o qızdardıñ armiya qatarında jınıstıq zorlıqqa köptep wşıraytının da aytqan. Moril'onıñ aytuınşa, bwl turalı armiya qatarındağı qızdar arasında äñgimeler bolğanda, köbi derlik özgelerdiñ basında bolğan jağdaydı aytısadı. Alayda, osınday zorlıq-zombılıq isteri özderiniñ basında da bolğan deydi. Li So Ion da bwl jağdaydı rastaydı. Li So Ion armiya qatarınan şıqqannan keyin twrmıstıq qiındıqtarğa şıdamay, Oñtüstik Koreyağa qaşıp ketuge bekingen. Biraq, Qıtay men Soltüstik Koreya şekarasında wstalıp, bir jıl türmege otırğan.

Keybir sarapşılardıñ aytuınşa, Soltüstik Koreyadan qaşıp şıqqandardıñ bergen mälimetiniñ bärine sene beruge bolmaytının aytadı. Sebebi, olar bergen mälimetterine aqşa alu üşin keybir jağdaylardı asıra aytuı mümkin ekenin alğa tartadı. Degenmen, BBC Li So Ionnıñ bwl mälimetter üşin aqşa aludan bas tartqanın eskertken.

“The Qazaq Times”