Uaşington, ötken jwmada. Damon Winter/ The New York Times

Ötken jwmada Tramp jäne onıñ Aqüydegi baspasöz hatşısı Şon Spayser (Sean Spicer) BAQ-qa prezidentti wlıqtau saltanatına qatısqan adamdar sanın ädeyi ötirik mälimdedi deydi «The New York Times» basılımı.

Tramptıñ Aqüydegi baspasöz hatşısı Şon Spayser «Tramp tarihta Halıq alañına eñ köp adam jinağan prezident boldı» degen edi. Alayda, Uaşington Wlttıq parki akimşilik qızmetiniñ aytuına qarağanda, mwnşa köp adamnıñ Uaşington Halıq alañına simaytını mälim boldı. 2009 jılı park qızmetiniñ «Barak Obama tarihta eñ köp adamdı halıq alañına äkele aldı» degeni bar. Barak Obama men Donald Tramptıñ prezidenttigin wlıqtau räsimindegi fotosuretterdi salıstırıp qarasañız, ötken jwmadağı adamdardıñ birşama az ekenin anıq köre alasız.

Jwma küni Tramp Ortalıq barlau agenttiginiñ ştab-päterinen köringen kezde, BAQ onıñ prezidenttigin wlıqtauğa jinalğan adamdardıñ sanı turalı jalğan mälimet berdi: « Halıqtıñ öte qalıñ tobı qazir alañda twr – sizder mwnı anıq körip twrsızdar. Tañerteñ ornımnan twrğanda, internetten alañda eşqanday adamnıñ joqtığın körip masqara bolatın boldı dep oylap edim. Donald Tramp halıqtı alañğa tarta almağanı ma degen oy da boldı. Biraq, habar taratılıp jatqanda, alañda şamamen 1 million ne 1 million 500 mıñday halıqtıñ jinalğanın kördim». Bwl BAQ-tıñ alañdağı halıq sanı turalı bergen mälimetteriniñ biri ğana.

Şon Spayser Aqüydegi alğaşqı mälimdemesinde, aqparat qwraldarına prezident Tramptı qoldauğa nwqsan keltiretin suretti taratpaudı tapsırdı. Oğan qosa, alañğa jinalğan halıqtıñ sanı men Uaşington köşelerindegi Trampqa qarsı şerulerdi salıstıra mälimdeudi de eskertti. Soñınan ol alañğa jinalğan halıqtıñ sanı turalı tereñdey talqılau da jasağan. Spayser keter aldında bir jurnalistiñ «Biz BAQ-tıñ jauapkerşiligin saqtaymız» dep ayğaylağan sözine jauap ta qatpağan.

Kezinde Jorj Buştıñ (Djordj Buş) alğaşqı baspasöz hatşısı Ari Flayşer (Ari Fleischer) Spayserdiñ baspasöz mäslihatın körip bolğannan keyin, Twitter paraqşasına: «Bwl degenimiz sizdiñ ne habarlaytınıñızdı prezident belgileytin bolğanı. Siz sonı prezidenttiñ köretinin bilesiz», - dep jazdı.

Brend pen imidjge qattı köñil böletin prezident jöninen, özin wlıqtauğa kelgen halıq sanı öte mañızdı bolıp sanaladı. Amerika qalalarındağı ereuilder oğan BAQ-tıñ ädeyi wlğaytıp jetkizgen aqparatı bop seziledi. Tramp ant beruden 45 minut bwrın tüsirilgen bir fotosuret pen 8 jıl bwrınğı Obamanıñ prezidenttigin wlıqtau saltanatınan 45 minut bwrın tüsirilgen suretti salıstrsañız, Tramptıñ jasağan «şouında» adamnıñ az bolğanın köru qiın emes. Wlıbritaniya Mançester Metropoliten Universitetiniñ professorı Kit Stildiñ (Still Keith)  saraptauı boyınşa, Tramptıñ prezidenttigin wlıqtauğa qatısqan adamdar sanı Obama üşin alañğa kelgen adamdardıñ üşten birindey ğana bolğan eken.

Amerikanıñ özinde taqqa otırğan prezidentterine degen narazılıqtar äli de tolastamay jatqan körinedi. Halıqtıñ seniminen şığıp, amerikalıqtar üşin isteytinin däleldeu üşin Tramptıñ qanday batıl qadamadarğa baratının aldağı uaqıt körsetedi.

"The Qazaq Times"