Foto: vesti.ru

Zimbabveniñ bwrınğı Prem'er-ministri Emmerson Mnangagva jwma küni memleket basşısı bolıp tağayındaladı. Ol arağa eki apta salıp, elge oralğannan keyingi alğaşqı mälimdemesinde eldegi 90 payızğa juıq jwmıssızdıqpen küresudi kün tärtibindegi birinşi kezektegi mäsele esebinde qarastıratının jetkizdi. 

Zanu-PF partiyasında öziniñ qoldauşılarımen kezdesu barısında Emmerson Mnangagva öz ömirine birneşe ret qauip töngenin aytıp, äskeri basşılarğa Robert Mugabeniñ biligin beybit türde toqtatqanı üşin alğıs bildirdi. Partiya ökilderiniñ aytuınşa, 71 jastağı Emmerson Mnangagva Robert Mugabeniñ ayaqtalmay qalğan Prezidenttik merzimin 2018 jıldıñ qırküyeginde jaña saylau bolğanşa jalğastıradı.

Jaña Prezidenttiñ 20 minutqa sozılğan sözi barınşa jarqın bolaşaqqa senim men ümit tudıratın mätinge tolı boldı. Köp sarapşılar onıñ bilikke keluimen Zimbabvedegi ekonomikaoıq-äleumettik dağdarıstıñ ayaqtalarına senbeydi. Ol 1980 jılı täuelsizdik alğannan keyin, Zimbabvede bolğa qandı qaqtığıs kezinde köp beybit twrğınnıñ qazasına kuä bolğan azamattardıñ biri. Sol twsta memlekettiñ Wlttıq qauipsizdik qızmetine jauaptı basşı bolğan Emmerson Mnangagva öziniñ qolı qanğa bökkenin moyındağan emes.

Zimbabve halqı men memlekettik qızmetkerler Robert Mugabeniñ biligi ayaqtalğanın quana qabıldadı. Bwrınğı sözderinde özin tek Qwday ğana bilikten alıstata alatındığın aytqan Robert Mugabeniñ däuiri bitkeni jergilikti halıqtıñ köñiline keler künge degen senim sıyladı.

“The Qazaq Times”