زيمبابۆەنىڭ جاڭا پرەزيدەنتى جۇمىسسىزدىقپەن كۇرەسۋگە ۋادە بەردى

زيمبابۆەنىڭ بۇرىنعى پرەمەر-ءمينيسترى ەممەرسون منانگاگۆا جۇما كۇنى مەملەكەت باسشىسى بولىپ تاعايىندالادى. ول اراعا ەكى اپتا سالىپ، ەلگە ورالعاننان كەيىنگى العاشقى مالىمدەمەسىندە ەلدەگى 90 پايىزعا جۋىق جۇمىسسىزدىقپەن كۇرەسۋدى كۇن تارتىبىندەگى ءبىرىنشى كەزەكتەگى ماسەلە ەسەبىندە قاراستىراتىنىن جەتكىزدى. 

Zanu-PF پارتياسىندا ءوزىنىڭ قولداۋشىلارىمەن كەزدەسۋ بارىسىندا ەممەرسون منانگاگۆا ءوز ومىرىنە بىرنەشە رەت قاۋىپ تونگەنىن ايتىپ، اسكەري باسشىلارعا روبەرت مۋگابەنىڭ بيلىگىن بەيبىت تۇردە توقتاتقانى ءۇشىن العىس ءبىلدىردى. پارتيا وكىلدەرىنىڭ ايتۋىنشا، 71 جاستاعى ەممەرسون منانگاگۆا روبەرت مۋگابەنىڭ اياقتالماي قالعان پرەزيدەنتتىك مەرزىمىن 2018 جىلدىڭ قىركۇيەگىندە جاڭا سايلاۋ بولعانشا جالعاستىرادى.

جاڭا پرەزيدەنتتىڭ 20 مينۋتقا سوزىلعان ءسوزى بارىنشا جارقىن بولاشاققا سەنىم مەن ءۇمىت تۋدىراتىن ماتىنگە تولى بولدى. كوپ ساراپشىلار ونىڭ بيلىككە كەلۋىمەن زيمبابۆەدەگى ەكونوميكاوىق-الەۋمەتتىك داعدارىستىڭ اياقتالارىنا سەنبەيدى. ول 1980 جىلى تاۋەلسىزدىك العاننان كەيىن، زيمبابۆەدە بولعا قاندى قاقتىعىس كەزىندە كوپ بەيبىت تۇرعىننىڭ قازاسىنا كۋا بولعان ازاماتتاردىڭ ءبىرى. سول تۇستا مەملەكەتتىڭ ۇلتتىق قاۋىپسىزدىك قىزمەتىنە جاۋاپتى باسشى بولعان ەممەرسون منانگاگۆا ءوزىنىڭ قولى قانعا بوككەنىن مويىنداعان ەمەس.

زيمبابۆە حالقى مەن مەملەكەتتىك قىزمەتكەرلەر روبەرت مۋگابەنىڭ بيلىگى اياقتالعانىن قۋانا قابىلدادى. بۇرىنعى سوزدەرىندە ءوزىن تەك قۇداي عانا بيلىكتەن الىستاتا الاتىندىعىن ايتقان روبەرت مۋگابەنىڭ ءداۋىرى بىتكەنى جەرگىلىكتى حالىقتىڭ كوڭىلىنە كەلەر كۇنگە دەگەن سەنىم سىيلادى.

“The Qazaq Times”