Foto: Getty Images

Brexit jobası ayaqtalğannan keyin Euroodaqtan şığatın Londondağı birqatar mañızdı keñseler Parij ben Amsterdamğa köşiriledi. Atap aytsaq, Europalıq bank basqarması Parijge, al däri-därmek boyınşa Europalıq agenttik Amsterdamğa qonıs audaradı. Bwl turalı VVS aqparattıq agenttigi jazdı. 

Qos mekeme Londonda mıñğa juıq azamattı jwmıspen qamtamasız etip otırğan bolatın. Europalıq bank basqarmasınıñ öz elinde boluı üşin bäsekege 8 el qatıssa, däri-därmek boyınşa Europalıq agenttiktiñ jaña ornı boluğa öz qalasın ümitker etip 16 memleket qosqan.

Franciyanıñ Prezidenti Emmanuel' Makron Parijdiñ jeñisin onıñ bükil älemniñ nazarındağı qala boluımen baylanıstırdı. Europalıq bank basqarmasınıñ qızmetkerleri ötken jılı Odaqqa müşe elderge 700 ret ärtürli missiyalarmen saparlağan. Osığan oray basqarma ornalasatın qalanıñ äue joldarınıñ infraqwrılımı da dauıs beru kezinde eskerildi.

“The Qazaq Times”