Qauipsizdik keñestiñ himiyalıq şabuıldı tekserudi keñeytu turalı qararına Resey ökili ğana qol kötermedi. Foto: onlineathens.com.

Resey BWW Qauipsizdik keñesiniñ Süriyadağı himiyalıq şabuıldarğa baylanıstı tekserudi keñeytu boyınşa qararına veto qoydı. Bwl – Mäskeudiñ Süriya soğısı bastalğannan beri Başar Asad biligin qoldap, Qauipsizdik keñesiniñ qararına 10-şı ret veto qoyuı dep habarladı BBC-diñ resmi saytı habarladı.

Bwl üşin AQŞ-tıñ BWW-dağı ökili Nikki Heyli Reseydi ayıptap, Mäskeu jaq wyımnıñ himiyalıq qaru qoldanudı tizgindeu şaralarına tosqauıl jasap otırğanın atap ayttı. Ol sözinde: «Resey himiyalıq şabuılğa kim kinäli ekini turalı tekserudi toqtatıp, bolaşaqtağı himiyalıq şabuıldı boldırmau üşin jasap otırğan äreketimizge böget jasauda», – dedi.

Al, BWW-dağı Reseydiñ ökili Vasiliy Nebenziya bolsa, Mäskeudiñ dağdılı jauabın qoldanıp, Batıs elderin himiyalıq şabuıldı tekseruge Batıs elderi böget qoydı dep körsetti. Ol sözinde: «Keñestegi keybir ökilder himiyalıq şabuıldı tekseru turalı biz wsınğan qarardı şetke qaqtı. Tergeu isteriniñ toqtap qaluına olar müddeli. Olardıñ bar maqsatı Damaskini ayıptau», – dedi.

Bwdan bwrın BWW Qauipsizdik keñesi Süriyadağı himiyalıq şabuıldı tekserip-anıqtau turalı Reseydiñ wsınğan jobasın qabıldamay qoyğan bolatın. Onda Mäskeu tarabı tekserudi keñeytuge kelisken, biraq, komissiyanıñ qwramın jañartudı jäne BWW Birlesken tergeu mehanizmi (JIM) mekemesiniñ Han-Şeyh mañınan tapqan dälelderdi moyındamağan edi. Bwl birlesken mekeme Süriyadağı himiyalıq şabuıldı anıqtau üşin 2015 jılı qwrılğan. Atalğan mekeme Süriyanıñ ükimet küşteri eldiñ oñtüstik batısındağı oppoziciyalıq toptarğa bağıttalğan himiyalıq qaru qoldandı degen şeşim şığarğan bolatın.

“The Qazaq Times”