Foto: rcc-cambodia.com

Kambodjada bügin Joğarğı Sot Oppoziciyalıq partiyanı taratu turalı istiñ soñğı nüktesin qoyadı. El Ükimeti Cambodia National Rescue Party (CNRP) - Kambodjanı qwtqaru partiyasına qarsı tüsirgen şağımı onıñ jabıluına äkelui mümkin. Prem'er-ministr Hun Senniñ oppoziciyalıq partiyanıñ ayıbın rastaytın jarlıq şığatını turalı aldın-ala mälimdemesi sarapşılardıñ bwl äreketke "saylau aldındağı bäsekelesterdi joldan alıp tastau şarası" degen bağa beruine wlastı. 

El Ükimetin 32 jıldan beri basqarıp kele jatqan Prem'erdiñ bastamasımen osığan deyin 100-ge juıq şeneunikter Qıtaymen birlesip, elde revolyuciya jasamaq bolğan degen ayıppen qızmetterinen 5 jılğa deyin şettetilgen bolatın. Endi olardıñ birqatarı twtqındaluı mümkin. CNRP partiyasınıñ basşısı Kem Soha abaqtığa jabılğannan keyin, bas bostandığınan ayırıludan qauiptengen jiırmadan astam sayasatker elden ketip qalğan.

Kambodja Ükimeti saylau ümitkerleri qatarınan şığıp qalğan partiyalarğa bölinetin resurstardı qalğan kandidattar arasında böliske saluğa mümkindik beretin zañ jobasın dayındaudı bastap ketti. Human Rights Watch wyımı Kambodjadağı demokratiyanıñ ölim aldında twrğanın aytıp, Hun Senniñ memleketti birpartiyalı jüyege köşiru äreketin äşkereledi.

Bügin ötetin Sottıñ köterilister men tärtipsizdikterge jol aşpauı üşin, eldegi qauipsizdik küşeytildi. Kambodjada jemqorlıq öristep kele jatqanına qaramastan, bilik qwramınıñ özgeruine jol bermey otırğan Hun Sen özin memleketti azamattıq soğıstan qwtqarıp, beybitşilik sıylağan twlğa sanaydı.

“The Qazaq Times”