Terakt bolğan şirkeu mañı. Foto: WSJ.

Jeksenbi küni Tehastıñ oñtüstigindegi şağın qalaşıq Sazerland-Spriñste (Sutherland Springs) qara kiim kiingen jäne jarılğış baylağan er adam Baptist şirkeuindegi jwrtşılıqqa oq jaudırğan. Mälimetterge säykes, keminde 26 adam qaza tauıp, 20 adam jaraqat alğan. Bwl turalı AQŞ-tıñ tanımal «WSJ» basılımı habarladı.

Qwqıq qorğau orındarı qızmetkerleriniñ mälimetine qarağanda, qılmıs kümändisi oq jaudırğannan keyin avtokölikpen qaşıp ketken. Keyin qarulı policiya qızmetkerleri twtqındau kezinde qaza bolğanın mälimdedi. Biraq atıs qaruınan älde, denesine baylağan jarılğıştan ölgeni turalı anıq mälimet bermedi.

Qwqıq qorğau qızmetkerleri äzirge şabuıl jasauşınıñ jeke basın kuälandırğan joq. Biraq jergilikti äkimşilik bwl adamnıñ Devin Patrik Kelli esimdi adam ekenin mälimdedi.

“The Qazaq Times”