تەراكت بولعان شىركەۋ ماڭى. فوتو: WSJ.

جەكسەنبى كۇنى تەحاستىڭ وڭتۇستىگىندەگى شاعىن قالاشىق سازەرلاند-سپريڭستە (Sutherland Springs) قارا كيىم كيىنگەن جانە جارىلعىش بايلاعان ەر ادام باپتيست شىركەۋىندەگى جۇرتشىلىققا وق جاۋدىرعان. مالىمەتتەرگە سايكەس، كەمىندە 26 ادام قازا تاۋىپ، 20 ادام جاراقات العان. بۇل تۋرالى اقش-تىڭ تانىمال «WSJ» باسىلىمى حابارلادى.

قۇقىق قورعاۋ ورىندارى قىزمەتكەرلەرىنىڭ مالىمەتىنە قاراعاندا، قىلمىس كۇماندىسى وق جاۋدىرعاننان كەيىن اۆتوكولىكپەن قاشىپ كەتكەن. كەيىن قارۋلى پوليتسيا قىزمەتكەرلەرى تۇتقىنداۋ كەزىندە قازا بولعانىن مالىمدەدى. بىراق اتىس قارۋىنان الدە، دەنەسىنە بايلاعان جارىلعىشتان ولگەنى تۋرالى انىق مالىمەت بەرمەدى.

قۇقىق قورعاۋ قىزمەتكەرلەرى ازىرگە شابۋىل جاساۋشىنىڭ جەكە باسىن كۋالاندىرعان جوق. بىراق جەرگىلىكتى اكىمشىلىك بۇل ادامنىڭ دەۆين پاتريك كەللي ەسىمدى ادام ەكەنىن مالىمدەدى.

“The Qazaq Times”